2010 оноос хойш сар тутам уншигчдадаа хүрч буй Барилга МН сэтгүүлийн 191 дэх дугаар барилгын салбарын хамгийн сүүлийн үеийн мэдээ мэдээлэл, үнэ ханшийн судалгаа, мэргэжлийн нийтлэлтэйгээр хэвлэгдэн гарлаа.  

Энэ удаагийн нүүр хуудсанд МАК Евро Виндоор ХХК хамтран ажиллаа. Төв аймгийн Сэргэлэн суманд байрлах тус үйлдвэр нь нь 2019 оноос хойш үйл ажиллагаа явуулж эхэлсэн бөгөөд олон улсын стандартад нийцсэн хөнгөн цагаан, хуванцар (PVC), модон хаалга, цонх болон фасад, шилэн багцыг чанарын өндөр түвшинд үйлдвэрлэн зах зээлд нийлүүлж байна.

191 дэх дугаарын онцлох булангуудаас танилцуулбал,

VIP ярилцлага: Монгол Улсын гавьяат барилгачин Б.Бямбажав: “САЛБАР ХООРОНДЫН УЯЛДААГ САЙЖРУУЛЖ, НЭГДМЭЛ БОДЛОГОТОЙ АЖИЛЛАСНААР ОЛОН АСУУДЛЫГ ШИЙДЭЖ ЧАДНА 

Монгол Улсын барилга, дэд бүтэц, төрийн захиргааны салбарт олон арван жил хөдөлмөрлөж, их барилга бүтээн байгуулалтын салбарт үнэтэй хувь нэмэр оруулсан эрхэм бол Монгол Улсын Гавьяат барилгачин Батсүхийн Бямбажав юм.  Тэрээр Улсын барилгын зургийн төв институтийн техникчээс ажлын гараагаа эхэлж, бригадын дарга хүртэл дэвшин ажилласан төдийгүй Нийгмийн шилжилтийн он жилүүдэд Засгийн газрын шийдвэр, хууль тогтоомжийн төслийг боловсруулах, бодлогын баримт бичиг найруулах ажлуудыг гүйцэтгэж  байв.

Засгийн газрын Хэрэг эрхлэх газарт түшмэл, референтээс эхлэн яамдын газрын дарга, Барилга, хот байгуулалт, нийтийн аж ахуйн газрын дарга, мөн Үндэсний аюулгүй байдлын зөвлөлийн Ажлын албаны дэд дарга зэрэг хариуцлагатай албуудыг хашсан туршлагатай төрийн зүтгэлтэн юм.Эрхэлсэн ажил, эзэмшсэн мэргэжилдээ эзэн болж Зөвлөхийн туршлага, шинэ цагийн ололт дэвшлийг нэгтгэж яваа түүнийг энэ удаагийн VIP зочноор онцоллоо. 

МИНИЙ ТҮҮХ: СИЛИКОН БААТАР

Амжилт гэдэг хэзээ ч гэнэт ирдэг бэлэг биш. Харин хэн ч анзаараагүй өдрүүдийн уйгагүй хөдөлмөр, шантралгүй давтсан жижиг алхмуудын нийлбэр юм.

Барилгын салбарт хамгийн доороос буюу туслах ажилчнаас гараагаа эхэлж, өдгөө өөрийн гэсэн өвөрмөц арга барил, “Силикон Баатар” хэмээх хүндтэй нэрийг салбартаа сийлж яваа Батхуягийн Батбаатарын түүхийг энэ удаагийн “Миний түүх” булангаараа хуваалцаж байна.

Хорь гаруй жилийн турш дотор заслын нарийн шийдэл, тэр дундаа силикон чигжээсний чиглэлээр мэргэшин, алдаа, оноо бүрээсээ суралцаж яваа их барилгын нэгэн эд эс болох мэргэжилтэн юм. Өнөөдөр тэрээр хийж буй ажилдаа жинхэнэ “Баатар” хэмээн хүлээн зөвшөөрөгдөж чаджээ.

АМИНЫ ОРОН СУУЦ: ЭРЧИМ ХҮЧНИЙ ХЭМНЭЛТТЭЙ 108.5м2 ЖИШИГ АМИНЫ ОРОН СУУЦ

Сүүлийн жилүүдэд барилгын салбарын хамгийн чухал зорилтуудын нэг нь эрчим хүчний хэрэглээг бууруулах, нүүрстөрөгчийн ялгарлыг багасгах, дотоод орчны чанарыг сайжруулах асуудал болж байна. Үүний үр дүнд эрчим хүчний хэмнэлттэй амины орон сууц нь зөвхөн “сонголт” биш, харин ирээдүйн зайлшгүй стандарт болж хувирч байна. Ялангуяа эрс тэс уур амьсгалтай манай улсад энэ төрлийн шийдэл нь эдийн засгийн болон амьдрах орчны хувьд өндөр ач холбогдолтой болсоор байна. Тиймээс энэ удаагийн дугаарт Эрчим хүчний хэмнэлттэй 108.5м2 жишиг амины орон сууцын төлөвлөлтийн талаар хүргэж байна. 

СУДАЛГАА: МОД МОДОН МАТЕРИАЛЫН ҮНИЙН СУДАЛГАА (2022-2026)

Та Судалгаа булангаас Мод модон материалын 2022-2026 оны хооронд дахь импорт, нийлүүлэлт,  үнэ ханшийн талаарх хүлээн авч унших боломжтой.  

Монгол Улсын барилгын модон эдлэлийн импорт сүүлийн жилүүдэд маш их хэлбэлзэлтэй байна. 2024-2025 онуудад Монголын барилгын салбарт угсармал модон хийц (Prefabricated wood structures) болон сэндвич хавтангийн хэрэглээ амины сууцны зах зээлд масс хэлбэрээр түлхүү нэвтэрсэн..

БНХАУ-ын нөлөө: Хятад улс угсармал модон эдлэлийг маш хямд өртөгтэйгөөр, бэлэн "багц" болгон нийлүүлж эхэлсэн нь импортын 81%-ийг дангаараа бүрдүүлэх гол шалтгаан болсон. Энэ нь уламжлалт аргаар барилга барихаас хамаагүй хурдан тул төсөл хэрэгжүүлэгчид энэ төрлийн материалыг бөөнөөр нь захиалсан байна… 

ЯРИЛЦЛАГА: Э.ДАВААСҮРЭН: ЭРСДЭЛИЙГ УДИРДСАН КОМПАНИ Л УРТ ХУГАЦААНД ТОГТВОРТОЙ ӨСДӨГ

Барилгын салбар нь өндөр эрсдэлтэй, олон талт оролцогчтой, урт хугацааны хөрөнгө оруулалт шаардсан онцлогтой тул даатгалын тогтолцоо нь зайлшгүй чухал бүрэлдэхүүн хэсэг болдог. Барилга угсралт, зураг төсөл, ашиглалтын бүхий л үе шатанд хүний амь нас, эд хөрөнгө, байгаль орчинд учирч болзошгүй эрсдэлийг бууруулах, хохирлыг нөхөн сэргээхэд даатгал чухал үүрэг гүйцэтгэдэг. Тиймээс энэ удаагийн дугаартаа Monre Insurance LLC - Acting CEO Э.Даваасүрэнтэй урьж, Барилгын салбар дахь даатгалын шийдлийн талаар ярилцлаа. 

АРХИТЕКТУР ДИЗАЙН:  THE OCTAGON (Дэлхийн анхны найман өнцөгт орон сууцны цамхаг)

Английн Бермингем хотын төвд сүндэрлэх The Octagon нь орчин үеийн хот байгуулалт, архитектурын сэтгэлгээ хэрхэн шинэ түвшинд хүрч байгааг харуулах тод илэрхийлэл юм. 49 давхар, 155 метр өндөр энэ цамхаг анх харахад л өөр. Дугуй биш, дөрвөлжин биш харин төгс тэнцвэртэй найман өнцөгт хэлбэртэй. Энэхүү өвөрмөц шийдэл нь түүнийг Бермингемийн хамгийн өндөр дэлхийн архитектурын түүхэнд анх удаа “цэвэр найман өнцөгт орон сууцны цамхаг” хэмээн тэмдэглэгдэх онцгой бүтээл болгожээ.

Мөн Та Интерьер, Мэргэжилтний үг, Мэргэжилтний зөвлөмж, Ярилцлага булангууд барилгын салбарт болсон хамгийн сүүлийн үеийн гадаад болон дотоод мэдээ мэдээллийг хүлээн авч уншаарай.

Түүнчлэн Барилга МН сэтгүүлээс шинэ орон сууцны үнэ ханш, ажил гүйцэтгэх үнэлгээ, барилгын материалын үнэ ханшийг шинэчилсэн байдлаар харах боломжтой. 

СЭТГҮҮЛ ЗАХИАЛАХ 

Утас: 9100-0233, 7711-3333