Барилгын салбарын хөгжил, тулгамдсан асуудал, гарц шийдлийг хэлэлцэх зорилготой “Барилгын салбарын ЧӨЛӨӨЛЬЕ” хэлэлцүүлэг зохион байгуулагдах гэж байна. Хэлэлцүүлэг 2026 оны дөрөвдүгээр сарын 10-ны өдөр 10:00–14:00 цагийн хооронд “Барилгын хөгжлийн төв” ТӨҮГ-ын байрны Барилгачин танхимд болох бөгөөд салбарын төр, хувийн хэвшил, хөрөнгө оруулагчид, мэргэжлийн холбоод, судлаачид оролцох юм.

Энэхүү арга хэмжээ нь Монгол Улсын Ерөнхий сайд Ням-Осорын Учралын ивээл дор зохион байгуулагдаж байгаа бөгөөд Хот Байгуулалт, Барилга, Орон Сууцжуулалтын яам, “Барилгын хөгжлийн төв” ТӨҮГ болон “Yes Mongolia” ТББ хамтран зохион байгуулж байна.

Хэлэлцүүлгээр салбарын өнөөгийн нөхцөл байдал, тулгамдаж буй асуудлуудыг хөндөж, бүтээмжийг нэмэгдүүлэх, ил тод байдлыг сайжруулах, хөрөнгө оруулалтын орчныг дэмжих чиглэлээр санал, зөвлөмж боловсруулах юм байна.