“Сэлбэ” дэд төв нь Чингэлтэй дүүрэг болон Сүхбаатар дүүрэг-ийн 158 га талбайд анхны жишиг “20 минутын хот”-ын бүтээн байгуулалт юм.

Өнгөрсөн оны 5-р сард эхэлсэн тус хотхон орон сууцныхаа урьдчилсан захиалгыг ирэх 5 сарын 1-ээс авч эхэлнэ.

Иргэд орон сууцны үнийн хэдэн хувийг урьдчилан төлж захиалгаа өгөхийг Нийслэлийн иргэдийн Төлөөлөгчдийн Хурал-аас удахгүй шийдвэрлэнэ.

Мөн “Зургаан буудал”, “Оргил” худалдааны төв орчмын 25.6 га талбайд 4400 орчим айлын орон сууц барьж, 158 га талбайд нийгмийн хангамж, инженерийн дэд бүтэц баригдаж байна.

Энэ нь 6.7 км авто зам, цахилгаан холбооны 5.3 км, дулаан хангамжийн 9.7 км, ус хангамж, ариутгах татуургын 19.7 км шугам, 2.4 км үерийн усны хамгаалалтын далан суваг, 1000 метр куб усан сан, 3 гүүр, дулааны станц, дэд станц зэрэг бүтээн байгуулалт юм. Мөн 150, 240 хүүхдийн хоёр цэцэрлэг ашиглалтад оржээ.