Орон сууцны санхүүжилтийн банкны тухай хууль болон орон сууцжуулалтын тухай анхдагч хуулийн төслийн гурав дахь хэлэлцүүлэг 2026 оны 03 сарын 31- нд зохион байгуулагдлаа.

Хэлэлцүүлэгт төрийн байгууллагын төлөөлөл, салбарын мэргэжилтнүүдээс гадна иргэд, олон нийтийн оролцоо өргөн хүрээнд хангагдсан бөгөөд орон сууцны хүртээмж, санхүүжилтийн тогтолцоог сайжруулахтай холбоотой олон санал, зөвлөмжийг дэвшүүлсэн байна. 

Тухайлбал:

• Иргэдийн орон сууц худалдан авах санхүүгийн боломжийг нэмэгдүүлэх
• Урт хугацааны, тогтвортой эх үүсвэр бүхий санхүүжилтийн тогтолцоог бүрдүүлэх
• Зорилтот бүлгийн иргэдийг дэмжих бодлогыг хуульд тусгах
• Орон сууцны үнийн өсөлтийг зохицуулах механизм бий болгох

Мөн орон сууцжуулалтын бодлогыг бүсчилсэн хөгжлийн онцлогтой уялдуулах, хот, хөдөөгийн ялгааг багасгах чиглэлээр анхаарах шаардлагатайг оролцогчид онцолжээ.

Хуулийн төсөл боловсруулагчдын зүгээс хэлэлцүүлгийн үеэр гарсан санал, шүүмжлэлийг нэгтгэн, төслийг илүү боловсронгуй болгож Засгийн газарт өргөн мэдүүлэхээр ажиллаж байна.