Герман Улсад ойрын жилүүдэд орон сууцны үнэ тогтвортой өсөх төлөвтэй байна. 2026 оны эхээр хийсэн шинжээчдийн судалгаагаар, 2028 он хүртэл байрны үнэ жилд дунджаар 3%-иар өсөх магадлалтай гэж таамаглажээ.

Үүнийг мөнгөн дүнгээр тооцож үзвэл, одоогийн ханшаар 500,000 евро буюу ойролцоогоор 1.9 тэрбум төгрөгийн үнэтэй орон сууцны үнэ жил бүр 57 сая төгрөгөөр нэмэгдэхээр байна. Үүнийг дагаад байрны түрээсийн үнэ ч мөн жилд 3–4.5%-иар өсөх хандлагатай байгаа юм.

Үнийн ийнхүү өсөж байгаа гол шалтгаан нь шинээр баригдаж буй барилгын төслүүд цөөрсөн, барилга барих зөвшөөрөл олголт багассан, мөн томоохон хотуудад орон сууцны нийлүүлэлт хангалтгүй байгаатай холбоотой гэж мэргэжилтнүүд тайлбарлаж байна. Товчхондоо, эрэлт их боловч байрны нийлүүлэлт дутмаг байгаа нь үнэ өсөх гол хөшүүрэг болж байна.