Монгол Улс болон БНХАУ-ын ӨМӨЗО-ы Улаанцав аймгийн барилгын салбарын хамтын ажиллагааг өргөжүүлэх, бизнес эрхлэгчдийг холбох зорилготой бизнес уулзалт 2026 оны 4-р сарын 13-14-ий өдрүүдэд БНХАУ-ын Жинин хотод зохион байгуулагдах гэж байна.

Уулзалтад Монгол Улсын Хот Байгуулалт, Барилга, Орон Сууцжуулалтын Яам (ХББОСЯ), Барилгын ханган нийлүүлэгчдийн зөвлөл, Барилга.МН болон салбарын ТББ, хувийн хэвшлийн төлөөллүүд оролцоно. БНХАУ-ын талаас Улаанцав аймгийн Худалдааг дэмжих хороо, захиргааны байгууллагын удирдлагууд, барилгын материалын томоохон үйлдвэрлэгчид болон ханган нийлүүлэгчид оролцох юм.

Хоёр өдрийн турш үргэлжлэх энэхүү арга хэмжээний эхний өдөр талууд хоёр улсын барилгын салбарын өнөөгийн байдал, хөрөнгө оруулалтын орчин болон барилгын материал нийлүүлэлтийн шинэ сувгуудын талаар мэдээлэл солилцож, хамтын ажиллагааг өргөжүүлнэ. 

Уулзалтын үеэр ХББОСЯ, Барилгын ханган нийлүүлэгчдийн зөвлөлөөс Монгол Улсын барилгын салбарын илтгэл мэдээлэл хүргэж, хоёр улсын бизнес эрхлэгчдийн хооронд шууд түншлэл тогтоох бизнес аялал,  B2B уулзалтуудыг зохион байгуулах юм.

Уулзалтад оролцогчид Жинин хотын барилгын материалын үйлдвэрүүдийн үйл ажиллагаатай биечлэн танилцаж, үйлдвэрлэлийн талбай дээр туршлага судлах аялалд хамрагдана. Энэхүү аялал нь үйлдвэрлэлийн үйл явц болон чанарын хяналттай газар дээр нь танилцах ховор боломжийг олгоно.

Энэхүү арга хэмжээ нь Монголын аж ахуйн нэгжүүдэд БНХАУ-ын зах зээлд нэвтрэх, мөн төмөр, ган хийц, хуванцар, сантехник, дулаалга, засал чимэглэлийн зэрэг стратегийн чухал материалын нийлүүлэлтийн шууд сувгийг тогтоох, шинэ түншлэл нээх онцгой боломж юм.

Оролцогчдын тоо хязгаартай тул барилгын салбарын аж ахуйн нэгж, байгууллагуудыг доорх холбоосоор орж бүртгүүлэн, хамтын ажиллагаагаа шинэ шатанд гаргахыг урьж байна.

Бүртгүүлэх линк: https://shorturl.at/nuO6s

Холбоо барих утас: 91168944