Барилгын салбарын аж ахуй нэгж байгууллагуудын дунд16 дахь жилдээ уламжлал болгон зохион байгуулагдсан “BARILGA BASKETBALL 2026” сагсан бөмбөгийн аварга шалгаруулах тэмцээн "MCU Sport Complex"-т гурван өдрийн турш ширүүн өрсөлдөөн дунд үргэлжилж, шилдгүүдээ тодрууллаа.

Энэ удаагийн тэмцээнд салбарын 50 орчим байгууллагын 500 гаруй тамирчин оролцож, хурд хүч, ур чадвар, авхаалж самбаагаа сорин өрсөлдлөө. 

Салбарын байгууллагуудын хамтын ажиллагааг өргөжүүлэх, баг хамт олны эв нэгдлийг дэмжих зорилготой тус тэмцээний шийдвэрлэх тоглолтууд тун сонирхолтой өрнөж, дараах баг тамирчид шалгарлаа.

ЭРЭГТЭЙ БАГИЙН ТӨРӨЛ

1-р байр: Макс Групп ХХК

2-р байр: Ус Сувгийн Удирдах Газар (УСУГ)

3-р байр: Орон Сууц Нийтийн Аж Ахуйн Удирдах Газар (ОСНААУГ)

ЭМЭГТЭЙ БАГИЙН ТӨРӨЛ

1-р байр: Орон Сууц Нийтийн Аж Ахуйн Удирдах Газар (ОСНААУГ)

2-р байр: Ус Сувгийн Удирдах Газар (УСУГ)

3-р байр: Алтан Жолоо Групп ХХК

ТЭМЦЭЭНИЙ ШИЛДГҮҮД (MVP)

Шилдэг эмэгтэй тоглогч: Э.Оюунтуяа ( хувийн дугаар 11) – ОСНААУГ

Шилдэг эрэгтэй тоглогч: Э.Маналжав (хувийн дугаар 0) – Макс Групп ХХК

“BARILGA BASKETBALL 2026” тэмцээн нь спортын өрсөлдөөнөөс гадна байгууллагын соёл, багийн уур амьсгалыг бэхжүүлсэн чухал арга хэмжээ боллоо. Тэмцээнд идэвхтэй оролцсон нийт баг тамирчид, хөгжөөн дэмжигчид болон дэмжин ажилласан байгууллагууддаа талархал илэрхийлье.

Барилгын салбарын эв нэгдэл, хөгжил дэвшлийн төлөө талбайд нэгдсэн бүх тамирчдадаа цаашдын ажил хөдөлмөрт нь өндөр амжилт хүсье.

Ерөнхий зохион байгуулагч: 

Barilga.mn

Хамтран зохион байгуулагч: 

Хот Байгуулалт, Барилга, Орон Сууцжуулалтын Яам

Ерөнхий ивээн тэтгэгч:

MAK Concrete / МАК Бетон зуурмаг 

Дэмжигч байгууллага:

Сэлбэ хорин минутын хот корпорац ХХК 

Монголын Барилгын Гүйцэтгэгч Байгууллагуудын Холбоо-MACC

DELTA LIFT

БАРИЛГАЧИН худалдааны төв