Хот Байгуулалт, Барилга, Орон Сууцжуулалтын Яамны сайд Э.Бат-Амгалангаар ахлуулсан ажлын хэсэг Завхан аймагт ажиллаж байна.  Ажлын хэсэгт дэд сайд С.Энхболд, Төрийн захиргааны удирдлагын газрын дарга Б.Бат-Эрдэнэ, Нийтийн аж ахуйн бодлого, зохицуулалтын газрын дарга М.Ням-Очир болон холбогдох албаны төлөөлөл багтжээ.

Ажлын хэсэг орон нутагт ажиллах үеэрээ дараах бүтээн байгуулалтын төслүүдийн явцтай танилцаж, газар дээр нь ажиллах юм. 

Үүнд:

• “21 дүгээр зуун” жишиг хорооллын шинээр хийгдсэн шугамыг төвлөрсөн шугам сүлжээнд холбох төсөл

• Үйлдвэрийн районы цэвэр усны шугам сүлжээний төсөл

• Үерийн хамгаалалтын далангийн байгууламжийн төсөл

• Аймгуудын бохир ус цэвэрлэх байгууламжийг өргөтгөн шинэчлэх, шинээр барих төслийн хүрээнд Бүгд Найрамдах Польш Улсын зээлийн хөрөнгөөр хэрэгжиж буй “Ахуйн бохир ус цэвэрлэх байгууламж”-ийн төсөл

Эдгээр төслүүд нь аймгийн инженерийн дэд бүтэц, ус хангамж, ариутгах татуургын системийг сайжруулахад чиглэж байгаа юм.