2026 оны 2 дугаар сарын 24-нд Хот Байгуулалт, Барилга, Орон Сууцжуулалтын Яам болон “Монголын Хуульчдын Холбоо” хамтран ажиллах санамж бичиг байгууллаа. Уг санамж бичиг нь барилга, орон сууцжуулалтын салбарын хууль, эрх зүйн орчныг боловсронгуй болгох, хуульчдын оролцоо, мэргэжлийн дэмжлэгийг нэмэгдүүлэхэд чиглэсэн чухал алхам юм.

Санамж бичигт хот байгуулалт, барилга, орон сууцжуулалтын салбарын хууль, эрх зүйн орчныг боловсронгуй болгоход хуульчдын оролцоог хангах, барилгын салбарын эрх зүйн чиглэлээр хуульчдыг чадавхжуулах, мэргэшүүлэх зорилгоор сургалтын хөтөлбөр хэрэгжүүлэх зэрэг зорилтуудыг тусгасан.

Санамж бичиг байгуулах арга хэмжээнд Хот Байгуулалт, Барилга, Орон Сууцжуулалтын Яамны Төрийн нарийн бичгийн дарга М.Баяраа, Хот Байгуулалт, Орон Сууцны Бодлого, Зохицуулалтын газрын дарга О.Одбаяр, Нийтийн аж ахуйн бодлого, зохицуулалтын газрын дарга М.Ням-Очир, Төрийн захиргааны удирдлагын газрын Хуулийн хэлтсийн дарга Б.Сүхбат, “Монголын Хуульчдын Холбоо”-ны Ерөнхийлөгч М.Мөнхбат, Тамгын газрын дарга Ш.Жолбарс нар оролцов.

Энэхүү хамтын ажиллагаа нь салбарын хуульчид, мэргэжилтнүүдийг нэгтгэж, барилга, орон сууцжуулалтын салбарын хууль эрхзүйн орчныг сайжруулах, сургалт, чадавхжуулах үйл ажиллагааг өргөжүүлэхэд чухал түлхэц болох юм гэж зохион байгуулагчид онцолж байна.