Хятадын үл хөдлөх хөрөнгийн салбарт бодлогын эерэг дохио гарч, зарим компаниудын хувьцааны ханш 3–5%-иар өссөн хэдий ч зах зээлийн суурь хүндрэлүүд арилаагүй байна. Өнгөрсөн сард Коммунист намын харьяа хэвлэлээр салбарыг дэмжих зорилгоор "эрчимтэй бодлогын арга хэмжээ" хэрэгжүүлэх шаардлагатайг онцолсон нь хөрөнгө оруулагчдын дунд тодорхой хүлээлт үүсгэсэн юм. 

Үүний дараа зохицуулагчид 2021 онд өрийн хямралыг өдөөсөн "гурван улаан шугам" бодлогыг сулруулсан эсвэл цуцалсан байж болзошгүй дохио өгсөн нь зах зээлд түр зуурын сэргэлт авчирлаа.

Гэсэн ч бодит байдал дээр эдгээр өөрчлөлтүүд хувийн хэвшлийн хөгжүүлэгчдэд хүрч чадахгүй байна. Санхүүжилтийн ихэнх урсгал голчлон төрийн өмчит болон төрийн дэмжлэгтэй компаниудад төвлөрсөн хэвээр байгаа бөгөөд хувийн компаниудын банкны зээлийн хүртээмж сайжраагүй байгааг хөгжүүлэгчид онцолж байна.Мөн орон сууцны борлуулалт 2025 онд дахин 5%-иар буурах төлөвтэй байгаа нь зах зээл сүүлийн гурван жил дараалан уналттай байгааг харуулж байна.

Шинжээчдийн үзэж байгаагаар, бодлогын дохио нь зах зээлийн сэтгэлзүйд эерэг нөлөө үзүүлж байгаа ч санхүүжилтийн бодит урсгал, борлуулалтын сэргэлт болон хэрэглэгчдийн итгэл дээр мэдэгдэхүйц ахиц гарч байж л зах зээл бүрэн тогтворжих боломжтой юм.