Дэлхийн шинэ хотжилтын барилгын зах зээл эрчимтэй өсөж, 2030 он гэхэд 4.17 их наяд ам.долларт хүрэх төлөвтэй байгааг Research and Markets байгууллагаас гаргасан “New Urbanization Construction Market Report 2026” тайланд дурджээ.

Тус зах зээл 2025 онд 2.77 их наяд ам.доллар байсан бол 2026 онд 3.01 их наяд ам.долларт хүрч, жилийн 8.7 хувийн өсөлт үзүүлсэн байна. Хот байгуулалтын хөтөлбөрүүд, ногоон болон эрчим хүчний хэмнэлттэй барилга, ухаалаг хотын шийдлүүд, нийтийн дэд бүтцийн төслүүдийн өсөлт нь энэхүү тэлэлтийн гол шалтгаан болжээ.

Цаашид 2026–2030 онд зах зээл жилийн дунджаар 8.5 хувиар өсөж, хиймэл оюун ухаан , интернэтэд холбогдсон төхөөрөмжүүд, дижитал ихэр технологи, модульчлагдсан болон тогтвортой барилгын шийдлүүд өргөн нэвтрэхээр байна.

Мөн засгийн газруудын дэд бүтцийн хөрөнгө оруулалт зах зээлийн өсөлтөд чухал нөлөө үзүүлж байгаа аж. Тухайлбал, Их Британид 2025 онд дэд бүтцийн хөрөнгө оруулалт 16.9 хувиар өсөж, 20.3 тэрбум фунт стерлингт хүрсэн нь хотжилт, нийтийн барилга байгууламжийг дэмжих бодлогын нэг хэсэг юм.

Одоогоор Хойд Америк зах зээлд тэргүүлж байгаа ч ойрын жилүүдэд Ази, Номхон далайн бүс хамгийн хурдацтай өсөх төлөвтэй байгаа аж. Зах зээлийн гол тоглогчдоор Хятадын томоохон барилгын корпорацууд нэрлэгдэж байна.