АНУ-ын авиралтын спортлогч Алекс Хоннолд 2026 оны 1 сарын 25-ны Ням гаригт, Тайванийн Тайпэй 101 цамхаг руу аюулгүйн тор болон олсгүйгээр амжилттай авирлаа. Дэлхийн хамгийн өндөр барилгуудын нэг рүү хамгаалалтгүйгээр авирч буй Хоннолдыг  олон мянган үзэгч дэмжиж үзжээ. Энэхүү чөлөөт авиралтыг Netflix зохион байгуулж, шууд дамжуулсан бөгөөд нийт 91 минут үргэлжилсэн байна. 

Амжилттай авиралтын дараа Хоннолд хэвлэлд ярилцлага өгөхдөө: "Гайхамшигтай. Тайпэйг үнэхээр үзэсгэлэнтэй өнцгөөс харлаа" хэмээн онцолсон байна. Тайпэй 101 нь Тайванийн нийслэлд сүндэрлэсэн, жуулчдын очих дуртай гол цэг бөгөөд 2004-2010 онд дэлхийн хамгийн өндөр барилгын дээд рекордыг эзэмшиж байсан ч Дубайн Бүрж Халифад тэргүүлэх байрлалаа алдсан билээ. 

Хамгаалалтын тор, олсгүйгээр авирах үйл ажиллагааг Тайпэй 101 цамхаг болон хотын захиргаа хүлээн зөвшөөрч, дэмжсэн бөгөөд Хоннолд анх зөвшөөрөлгүйгээр авирч үзэхийг хүсч байжээ. Гэвч ойр дотныхоо болон олон хүний итгэлийг бодож, зөвшөөрөл авах шийдвэр гаргасан байна. Netflix-ийн гүйцэтгэх продюсер Жэймс Смит хэлэхдээ: "Авирагчид итгэж ийм зөвшөөрөл олгох нь ховор. Тайпэй 101 бол үнэхээр Тайванийн бэлгэдэл юм" гэжээ.