Үл хөдлөх хөрөнгийн зах зээлд орон сууцны үнэ сүүлийн жилүүдэд огцом өсөлттэй байгаа нь Үндэсний статистикийн хорооны тоон мэдээллээр тодорхой харуулж байна.  2025 оны 12 дугаар сарын байдлаар шинэ орон сууцны нэг метр квадрат талбайн дундаж үнэ 5.03 сая төгрөг болж өссөн нь өмнөх оны мөн үеэс 8 %-иар өссөн байна. Тус өсөлт сүүлийн 3 жилийн хугацаанд 44.1 %-д хүрчээ.

Харин хуучин орон сууцны үнэ шинэ орон сууцныхаас өндөр байх төлөвтэйгээр нэг метр квадрат талбайн дундаж үнэ 5.06 сая төгрөг хүрч, сүүлийн нэг жилд 17.7 %-иар, 3 жилийн хугацаанд ойролцоогоор 55 %-иар өссөн дүн гарчээ.

Үнийн өсөлт хотын дүүргүүдээр харилцан адилгүй байна. Жишээлбэл, Сүхбаатар дүүрэгт шинэ болон хуучин орон сууц нэг метр квадрат талбайн дундаж үнэ  ойролцоогоор 5.97 сая төгрөгт хүрч, төвийн бүсэд үнэ хамгийн өндөр байгаа юм. Харин орон сууцны нийлүүлэлт голчлон Хан-Уул, Сүхбаатар болон Баянзүрх дүүргүүдэд төвлөрч байгаа нь зах зээлийн үнэ өсөлтөд нөлөөлж буйг онцолжээ.