Татварын ерөнхий газар энэ сарын 1-ээс эхлэн анх удаа амьдран суух зориулалттай орон сууц худалдан авсан болон өөрийн хөрөнгөөр барьсан иргэдэд олгох хувь хүний орлогын албан татварын буцаан олголтын материалыг хүлээн авч эхэллээ.

Хуулийн дагуу амьдрах зориулалтаар орон сууц худалдан авсан иргэд 6 сая төгрөг хүртэлх татварын буцаан олголт авах боломжтой. Буцаан олголт авахын тулд иргэд e-tax.mta.mn цахим тайлангийн системд нэвтэрч, энэ оны хоёрдугаар сарын 15-ны дотор татварын тайлангаа илгээх шаардлагатай юм.

Буцаан олголт авахын тулд иргэд e-tax.mta.mn цахим тайлангийн системд нэвтэрч, энэ оны хоёрдугаар сарын 15-ны дотор татварын тайлангаа илгээх шаардлагатай.

Тайлан гаргахад автоматаар татагдах мэдээлэл

• Иргэний үнэмлэх (ХУР системээс)
• Нийгмийн даатгалын лавлагаа (ХУР системээс)
• Үл хөдлөх эд хөрөнгийн лавлагаа (Ү-дугаараар ХУР системээс)
• Хавсаргах шаардлагатай баримтууд
• Борлуулагчаас авсан цахим төлбөрийн баримт (ДДТД дугаар)
• Үл хөдлөх эд хөрөнгө борлуулсны 2 хувийн татвар төлсөн баримт (төлбөрийн даалгаврын дугаар)
• Нотариатаар баталгаажуулсан худалдах-худалдан авах гэрээ
• Орлого нотлох баримт (арилжааны банк, банк бус санхүүгийн байгууллагын зээл эсвэл татвар төлсний дараах орлого)
• Буцаан олголт авах хүсэлтийг цахим тайлангийн хавсралт хэсэгт бөглөж илгээснээр хүсэлт баталгаажина.

Амьдран суух зориулалттай орон сууцыг өөрийн хөрөнгөөр барьсан бол

Дээрх автомат татагдах мэдээллүүдээс гадна:

• Мэргэжлийн үнэлгээчнээр гаргуулсан хөрөнгийн үнэлгээний тайлан
• Барилга барихад зарцуулсан хөрөнгийн орлого нотлох баримт
• Цахим тайлан илгээж, буцаан олголт авах хүсэлт хавсаргах шаардлагатай
• Татварын ерөнхий газраас иргэдийг хугацааг хүлээлгүй, тайлангаа эртхэн гаргахыг зөвлөж байна.