Нийслэлээс ирэх онд эрчим хүчний долоон төсөл хэрэгжүүлэхээр төлөвлөжээ. Тодруулбал, ДЦС-5, Эмээлтийн 24 МВт-ын дулааны цахилгаан станц, Дэнжийн мянга болон “Хан хиллс”-ийн хийн дулааны станц, Дамбадаржаагийн дулааны станц, Хог шатааж эрчим хүч үйлдвэрлэх үйлдвэр барих юм байна.

Түүнчлэн нийтийн эзэмшлийн гудамж, талбай болон зорчих хөдөлгөөнд саад учруулж байршуулсан 1436 ТҮЦ-ийг нүүлгэж, зам талбайг чөлөөлсөн байна. Энэхүү газар чөлөөлөлт нь ирэх онд эхлүүлэх “Трамвай” төсөлтэй холбоотой бөгөөд нийслэлээс хоёрдугаар сарын 15-нд “Трамвай” төслийн тендерийг зарлаж, дөрөвдүгээр сард нээхээр төлөвлөжээ.

Мөн мега төслүүдийн эхлэл болгож Туулын хурдны замын бүтээн байгуулалтыг гуравдугаар сарын 15-нд эхлүүлж, 2027 оны долоодугаар сарын 1-нд зорчих хэсгийг нээхээр зорин ажиллаж байна. Эдгээр төслүүд хэрэгжсэнээр нийслэлийн авто замын түгжрэл 50 орчим хувиар буурна гэж тооцоолжээ.