Монгол Улсын зочид буудал, байр, сууцаар үйлчлэх үйлчилгээний салбарын үйлдвэрлэгчийн үнийн индекс 2025 оны арваннэгдүгээр сард 16.1-д хүрч, өмнөх оны мөн үеэс 15 хувиар өссөн талаар статистикийн байгууллага мэдээллээ. Харин өмнөх сараас харьцуулахад 2.9 хувиар буурсан байна.

Үнийн өсөлт нь байр, сууц болон автомашины зогсоолтой зуслан, амралт чөлөөт цагаа өнгөрөөх хоноглох үйлчилгээнээс голлон бүрджээ. Энэ нь тус дэд салбаруудад эрэлт нэмэгдэж, зардал өссөнтэй холбоотой гэж үзэж байна.

Үйлдвэрлэгчийн үнэ Улаанбаатар хотод жилийн дотор 15.3 хувь, аймгийн төвүүдэд 14 хувь өссөн байна. Нийслэл дэх зочид буудлын нэг өдрийн үнэ дунджаар 200 мянган төгрөгөөс эхэлж, байршил болон үйлчилгээний ангиллаас шалтгаалан 800 мянган төгрөг хүртэл хэлбэлзэж байгаа талаар мэдээлжээ.