Хот байгуулалт, Барилга, Орон сууцжуулалтын Яам барилгын дүрмийг шинэчлэн баталлаа. Шинэчлэгдсэн дүрэм нь барилгын салбарын норм, дүрэм, шаардлага, зохицуулалтыг шинэчлэх ач холбогдолтой юм.

Тодруулбал, Хот Байгуулалт, Барилга, Орон сууцжуулалтын сайдын 2025 оны 06 дугаар сарын 06-ны өдрийн 138 дугаар тушаалаар:

“Барилгын машин ашиглалтын нэг машин цагийн үнэ тодорхойлох аргачлал” (БД 81-111-25) дүрмийг нэгдүгээр хавсралтаар,

“Барилгын машин ашиглалтын нэг машин цагийн үнэ” (БД 81-112-25) дүрмийг хоёрдугаар хавсралтаар тус тус шинэчлэн баталсан байна.

Эдгээр дүрмийг 2025 оны 11 дүгээр сарын 01-ний өдрөөс дагаж мөрдөхөөр тусгасан тул холбогдох байгууллага, барилгын компани, төсөл хэрэгжүүлэгчид үйл ажиллагаандаа шинэчилсэн дүрмийг мөрдлөг болгон ажиллах шаардлагатай юм.

Шинэчлэгдсэн дүрмүүд нь барилгын төсвийн тооцоо, машин техник ашиглалтын үнэлгээний стандарт, нормыг шинэчлэх ач холбогдолтой бөгөөд барилгын компаниуд болон мэргэжилтнүүдийн үйл ажиллагаанд шууд нөлөө үзүүлэх юм. 

Мөн барилгын салбарын шинэ дүрэм нь барилгын чанар, аюулгүй байдал, зохицуулалтын шаардлагыг дээшлүүлэх зорилготой тул бүх төсөл хэрэгжүүлэгчид үүнийг мөрдөх нь чухал юм. Иймээс барилгын салбарынхан шинэ дүрмийг сайтар танилцаж, хэрэгжилтэд бүрэн нийцүүлэхийг анхааруулж байна.