Саудын Арабт баригдаж буй томоохон зугаа цэнгэлийн парк "Six Flags Qiddiya City" 2025 оны арванхоёрдугаар сарын 31-нд албан ёсоор нээлтээ хийхээ мэдэгдлээ.

Тус парк нийт 28 төрлийн тоглоом, аттракционоос бүрдэх бөгөөд тэдгээрийн дундаас дэлхийн хамгийн өндөр, хамгийн хурдан, хамгийн урт "Falcons Flight" хэмээх галзуу хулгана олны анхаарлыг татаж байна. Адал явдал, хурд сэтгэл хөдлөлийг мэдрэхийг хүссэн хүмүүст зориулсан хүчтэй аттракционоос гадна хүүхэд, гэр бүл, залуусын хэрэгцээнд нийцсэн 18-аас дээш "family-friendly" тоглоомуудыг багтаажээ. 

Парк дотор олон улсын хоолны ресторан, худалдааны төв, дурсгалын бүтээгдэхүүний дэлгүүр болон бусад үйлчилгээний цогц орчинг бүрдүүлсэн байна. Мөн зочдод зориулсан багц эрхийн тийз болон захиалгын системийг нэвтрүүлэхээр төлөвлөсөн байна. 

"Six Flags Qiddiya City" нь зөвхөн зугаа цэнгэлийн парк нээж буй үйл явдал бус, "Qiddiya City" хэмээх өргөн хүрээтэй төслийн чухал хэсэг бөгөөд Саудын Арабын аялал жуулчлал, соёлын салбарт шинэ хуудас нээх буй хэмээн  мэргэжилтнүүд онцолжээ.