Эрчим хүчний хэмнэлттэй амины орон сууцны дулаалга,  хашлага бүтээц нь эрчим хүчний үр ашигт хамгийн чухал нөлөөтэй. Эрчим хүчний хэмнэлттэй амины орон сууц барихын тулд юун түрүүнд барилгын дулаан хамгаалалтын стандартын шаардлага, тухайн эрчим хүчний хэмнэлттэй амины орон сууцанд ашиглагдаж буй эрчим хүчний хэмнэлттэй технологийн шийдлүүдийн техник эдийн засгийн үзүүлэлт зэргийг барилга архитектурын зураг төсөлд тусгах нь хамгийн эхний алхам юм. Түүний дараагаар барилга баригдаж байх явцад зураг төсөлд тусгасан материалын түүвэр, хашлага бүтээцийн дулаалга, дулааны гүүр зэргийг сайтар битүүмжлэх нь эрчим хүчний хэмнэлттэй амины орон сууцны гол шалгуур үзүүлэлт болно. 

БАРИЛГЫН ХИЙЦ: Тоосго 360мм 

Ханын дулаалга : Чулуун хөвөн дулаалга 100мм /гадна хана/ 

Фасад: Метал сайдинг 

Хучилт : Канад технологи, Эрдэст хөвөн дулаалга 300мм 

Дотор хана : Тоосго /120мм/ 

Дээвэр : Канад технологи, Декра дээвэр

ГАДНА ХАНА :360мм тоосгон хана байна, Тоосго нь 360мм зузаантай, дулаан дамжилтын итгэлцүүр 0,123Вт/м0с 3. MNS 0138 : 2010 стандартын шаардлагыг хангах сайн чанарын керамик тоосгон материал байна.

ЦОНХ: Бүх цонх, шилэн хана хаалгыг захиалгаар хийлгэх бөгөөд стандартын шаардлага хангасан, гадна талдаа хар саарал, дотор талдаа цагаан өнгийн рамтай , 3 давхар шилтэй, 5-н үүртэй, LOW - E түрхлэгтэй, /Ar=90%/ аргон хийн дүүргэлттэй, төмөр голчтой, MULTI-TECH G хуванцар спейсэртэй шилэн багц байна. Нарны цацраг нэвтрүүлэлт g=0.5 Дулаан дамжуулалтын итгэлцүүр U value= 1.15 Дулаан хөрвүүлэлтийн итгэлцүүр R value= 0.85 /БНбД 25-01-20 давуулан биелүүлнэ./ Цонхны тавцангийн доогуур хөөсөнцрөөр шахаж дулаална. Барилгын цонх хаалганы зай завсарыг тэлдэг хөөс силиконоор агаар ус нэвтрэхгүй болгож битүүмжлэнэ.

ХААЛГА:  Хаалганы эргэн тойронд 200 мм-с багагүй эрдэс хөвөн буюу чулуун хөвөн хавтангаар галаас хамгаалах зурвас гаргаж дулаална. 

ХАМАР ХАНА : Сууцны зориулалттай өрөөнүүд 120мм -ийн тоосго болон ариун цэврийн өрөөний хана нь 120 мм тоосгон хана байна.

ШАЛ: Шалыг зурагт заасан дугаар хэсэглэл хийцийн дагуу чанартай цутгаж гүйцэтгэнэ. Ариун цэврийн өрөөний шалны түвшин бусад хэсгээс 1.5см доор байна. 

ДЭЭВЭР : Барилгын дээврийн ус тусгаарлагч, дулаалга зэрэг матералууд нь 15 жилийн баталгаатай байна. Дээврийн бүтэц нь ус нэвтрэхээр бүрэн хамгаалагдсан байх шаардлагатай ба дээвэрт гарах салхивч сантехникийн хоолойнуудын дээвэртэй уулзах уулзварыг зурагт заасны дагуу ус нэвтрэхгүйгээр чанартай битүүмжлэлтэй хийж гүйцэтгэнэ. Дээврийн доод хөмсөг дагуу нүдэн гэрэл суурьлуулна. Цахилгааны шийдлээ хийж байхад хийхийг анхаарах 6000м алгасалтай тул найдвартай мод хучилт хийхдээ анхаарах дээвэрт хэт их ачаалал өгөхгүй байх . 

ГАДНА ЗАСАЛ : Цонхны нүх , заслалын хил зааг зэрэгт гарах бүх хэвтээ гадаргууг төмөр хуудсаар налуу гаргаж сайтар хамгаална. Нүүр талуудын зурагт тусгасны дагуу фасад хийцлэлийг хийж булан бүрийг цэвэрхэн агаар орохгүй битүүмж сайтай барилгын чанар, норм стандартын дагуу хийж гүйцэтгэнэ. Тоосгон ханын гадна талд чулуун хөвөн дулаалга хийж метал рам зангидаж метал сайдинг фасад хийж гүйцэтгэнэ. Фасадны ажлыг цаг уурын нөхцөл байдлаас хамааруулж тохируулж хийх ба чанар стандарт норм дүрмийн дагуу гүйцэтгэнэ.

Эрчим хүчний хэмнэлттэй амины орон сууц нь битүүмжлэл өндөртэй тул зайлшгүй агааржуулалтын систем төлөвлөнө.

АГААР СЭЛГЭЛТ: Агаар сэлгэлтийн системд албадмал агаар оруулах ба сорох систем төлөвлөсөн. 

-    HRV агаар боловсруулах цогц төхөөрөмж угсарна. 

-    Төхөөрөмж нь гаднаас орох агаарыг шүүх G4, F9 шүүлтүүр, нүүрсэн шүүлтүүр, H13 шүүлтүүр зэрэг 3 давхар шүүлтүүртэй байна.

-    Гаднаас цэвэр агаар оруулах автомат хавлага нь цахилгаан тэжээл тасрахад автоматаар өөрөө хаагддаг хавхлага байна. 

-    АЦӨ, галтогооны өрөөнүүдээс бохир агаарыг сорж зайлуулахаар бие даасан системүүд төлөвлөсөн. 

-    Агаар сэлгэлтийн төхөөрөмж нь техникийн өрөөний таазны доор байрлана.

-    Гал тогооны хоол хийх хэсэгт хиншүү сорогчийн хоолой төлөвлөсөн ба тус хоолойнд хиншүү сорогч холбогдоно 

-    Утлагын өрөө дамжих хэсэг ба гаднаас агаар оруулах болон агаар зайлуулах хоолойг сэнснээс гадна хананд байрлах жалюзи эсвэл дээвэр дээрх босоо шахтны ам хүртэл λ=0.05 Вт/м²°с-с багагүй дулаан техникийн үзүүлэлттэй δ=10мм зузаантай зориулалтын материалаар дулаална.

-    Агаар оруулах системд цахилгаан агаар халаагч төлөвлөсөн

-    Дамжуулах хоолой барилгын хучилт, хана нэвтлэн гарах хэсгийг тухайн хаших бүтээцийн галд тэсвэрлэлтийн зэрэгтэй ижил чанартай галд тэсвэртэй материалаар чигжиж, битүүлнэ. 

-    Агаар сэлгэлтийн системийг туршихдаа БНбД 40-06-16-ийг баримтлан гүйцэтгэвэл зохино.

-    Угсралтын ажлыг хийж гүйцэтгэхдээ техник аюулгүй ажиллагааны норм ба дүрмийг баримтлан ажиллах хэрэгтэй.