Багахангай–Хүннү хот чиглэлийн 102.5 км урттай, 1520 мм царигтай салбар төмөр замын барилгын ажил үргэлжилж байна. Төслийг хоёр үе шаттай хэрэгжүүлэх бөгөөд эхний 87.85 км-ийн ажил 89.39 хувийн гүйцэтгэлтэй, ухмал, далангийн ажил 95 орчим хувьтай, 652 м гүүрийн ажил 91.6 хувьтай байна. 

Төмөр замыг ирэх оны 4 дүгээр улиралд бүрэн дуусгахаар төлөвлөжээ.

Төсөл хэрэгжсэнээр нийслэлийн төвөөр нэвтрэдэг аюултай болон импортын ачааг гаднаас дамжуулах боломж бүрдэж, авто замын түгжрэлийг бууруулан хөдөлгөөний дундаж хурдыг 4% нэмэгдүүлэх тооцоотой. Барилга угсралтад үндэсний компаниуд оролцож, нийт хөрөнгө оруулалтын 30%-ийг дотоодын ажилд зарцуулж байна.