2025 оны эхний есөн сард барилга угсралт, их засварын ажил 8.8 их наяд төгрөгт хүрч, өнгөрсөн оны мөн үеэс 2 их наяд төгрөгөөр нэмэгджээ. Үүнээс 8.5 их наяд төгрөгийн ажлыг дотоодын, 349.3 тэрбум төгрөгийн ажлыг гадаадын байгууллагууд гүйцэтгэсэн байна. 

Дотоодын байгууллагын гүйцэтгэл 2.3 их наядаар өсөж, үүнээс хувийн байгууллагын ажил 7.7 их наяд төгрөгт хүрч 1.6 их наядаар, төрийн байгууллагынх 718.2 тэрбум төгрөгөөр нэмэгдсэн байна.

Нийт ажлын 36.6 хувь нь орон сууцны барилга, 29.5 хувь нь орон сууцны бус барилга, 29.5 хувь нь инженерийн байгууламж, 4.4 хувь нь их засварын ажил эзэлсэн байна.

Орон сууцны бус барилгын ажил 2.6 их наяд төгрөгт хүрч, 377.4 тэрбум төгрөгөөр өсжээ. 

Үүнд сургууль, соёлын барилга 326.7 тэрбум, худалдаа үйлчилгээний барилга 92.4 тэрбум, эмнэлгийн барилга 3.6 тэрбум төгрөгөөр нэмэгдсэн байна. Улаанбаатар хотод 4.6 их наяд төгрөгийн ажил хийгдэж улсын нийт гүйцэтгэлийн 51.8 хувийг эзэлсэн бол Өмнөговь, Сэлэнгэ, Дархан-Уул аймгуудад нийт ажлын 43.4 хувь ногджээ.