БНХАУ-ын 70 хотод шинэ орон сууцны үнэ 2025 оны есдүгээр сард өмнөх сараас 0.41 хувиар буурч, сүүлийн 11 сарын хугацаанд огцом уналтад орсон тухай тус улсын Үндэсний статистикийн газраас мэдээллээ. 

Жилийн үзүүлэлтээр харвал орон сууцны үнэ 2.2 хувиар буурсан бөгөөд энэ нь дараалан найм дахь сардаа үнэ унаж буйг харуулж байна.

Үнийн бууралтад голлон нөлөөлсөн хүчин зүйл нь орон сууцны зах зээлд эрэлт сул, худалдан авагчдын итгэл буурсан, мөн барилгын компаниудын өрийн дарамт улам нэмэгдэж, зарим төсөл зогсонги байдалд орсон явдал гэж шинжээчид дүгнэж байна.

Хятадын эдийн засгийн томоохон тулгуур нь орон сууц, барилгын салбар байдаг. Харин одоо энэхүү салбарын уналт нь нийт эдийн засагт сөргөөр нөлөөлж, дотоодын хэрэглээ болон хөрөнгө оруулалтад сөрөг дохио болж эхэлжээ.

Хятадын Засгийн газар бодлогын зөөлрүүлэлт хийх талаар хэлэлцэж байгаа ч одоогийн байдлаар нөхцөл байдал тогтворжих шинжгүй хэвээр байна.