Сүүлийн 3 сарын хугацаанд Хо Ши Мин хотод шинээр борлуулсан 5,500 орон сууцны тал нь 1 м² нь 100 сая вьетнам донг буюу ойролцоогоор 3,800 ам.доллараас дээш үнэтэй байна. Энэ нь Монгол төгрөгөөр бол ойролцоогоор 13,000,000₮ болж байгаа юм.

Дундаж үнэ нь 1 м² тутамд 96 сая вьетнам донг буюу ойролцоогоор 12,500,000₮ болжээ. Энэ нь өмнөх үеэс 21 хувиар өссөн үзүүлэлт юм.

Үнэ өсөх гол шалтгаанууд нь газрын төлбөр, барилгын материал, хөдөлмөрийн зардлын нэмэгдэлтэй холбоотой. Хотын дэд бүтэц хөгжиж, хотын тэлэлт газар болон барилгын өртгийг нэмэгдүүлж байна. Төвийн байрны үнэ өндөр байгаа тул хүмүүс Бинь Дуонг, Ня Бэ зэрэг захын бүсүүдийг сонгож байгаа боловч шинээр гарсан байрны 80 хувь нь зарагдсан нь өндөр эрэлтийг харуулж байна.

Өмнө нь зарим тансаг зэрэглэлийн байрны үнэ 1 м² нь 4,600–4,700 ам.доллар (ойролцоогоор 15,700,000₮) хүрч байсан. Гэсэн хэдий ч дундаж болон боломжийн үнэтэй шинэ орон сууц маш ховор байгаа нь дунд орлоготой иргэдийн орон сууцтай болох боломжийг хязгаарлаж байна.

Үнийн өсөлт нь хүмүүсийг захын бүс рүү нүүхэд хүргэж, байрны хэмжээ багасч, өндөр барилга барих хандлагыг нэмэгдүүлж болзошгүй байна.

Эх сурвалж: VnExpress