Монгол Улсад ипотекийн зээл авах хүсэлт 2025 оны 9-р сарын байдлаар 4.9 их наяд төгрөгт хүрч, шийдвэрлэгдээгүй хэвээр хуримтлагдаж байна. 

Ипотекийн зээлийн нийт үлдэгдэл 10.1 их наяд төгрөгт хүрч, 139 мянган өрх энэ төрлийн зээлд хамрагджээ. Нийт зээлийн 95.1 хувь нь хэвийн ангилалд, 4.6 хувь нь хугацаа хэтэрсэн, 0.3 хувь нь чанаргүй зээлд тооцогдож байгаа нь зээлийн чанар тогтвортой байгааг харуулж байна. Зээлийн дундаж хугацаа 17.7 жил байна.

2023 оноос эхлэн орон нутагт 3 хувийн хүүтэй ипотекийн зээл олгож эхэлсэн нь хөдөө орон нутгийн иргэдийн орон сууцны хүртээмжийг нэмэгдүүлэх зорилготой. Шинэ орон сууцны 1 м.кв-ийн үнэ Улаанбаатар хотод дунджаар 4.7 сая төгрөг болж, өмнөх оноос 16.8 хувиар нэмэгдсэн бол хуучин орон сууцны үнэ 4.5 сая төгрөгт хүрээд байна. Зарим байршилд орон сууцны үнэ жилийн дотор 22–26 хувиар өсжээ.

Ипотекийн зээлийн хэмжээ өсөж байгаа ч, шийдвэрлэгдээгүй хүсэлтүүд их байгаа нь санхүүжилтийн хүртээмж хангалтгүй байгааг илтгэж байна.