Өнөөдөр дэлхий даяар архитекторууд, хот төлөвлөгчид, инженерүүд, оюутнууд болон бүтээн байгуулалтын салбарынхан Дэлхийн Архитектурын өдрийг тэмдэглэж байна.  Энэхүү өдрийг Олон Улсын Архитекторуудын Холбоо (UIA) анх 1985 онд санаачилсан бөгөөд жил бүрийн 10-р сарын эхний Даваа гарагт уламжлал болгон зохион байгуулсаар иржээ.

Энэ жилийн уриа нь “Design for Strength” буюу Хүчтэй, тогтвортой ирээдүйг бүтээх ухаалаг архитектурын шийдлүүдийг онцолж байна.

Дэлхийн олон оронд архитектурын сэдэвт үзэсгэлэн, сургалт, хэлэлцүүлэг, бүтээлч уулзалт болон нээлттэй хичээл зэрэг арга хэмжээнүүд өрнөж байгаа нь энэ салбарын ач холбогдлыг олон нийтэд ойлгуулахад чиглэж байна. 

Монгол Улсад ч мөн энэ өдөрт зориулсан арга хэмжээнүүд зохион байгуулагдаж, архитекторууд хотын хөгжил, орчны төлөвлөлт, тогтвортой бүтээн байгуулалтын талаар санал бодлоо солилцож тэмдэглэн өнгөрүүлдэг билээ.

Дэлхийн Архитектурын өдөр нь зөвхөн мэргэжилтнүүдийн баяр биш, харин хүн бүрийн амьдралын орчин, хот суурин газрын хөгжилд архитектурын үүрэг, ач холбогдлыг ойлгуулж, ирээдүйн төлөвлөлтөд оролцох урам зориг өгөх өдөр юм.