Орчин цагийн хотуудын дэд бүтэц зөвхөн зам, барилгаар хязгаарлагдахгүй болж, ухаалаг технологи, ногоон шийдэл, зай талбайн оновчтой ашиглалтыг цогцоор нь шийдэх шаардлага улам бүр нэмэгдэж байна. Энэхүү шаардлагад нийцүүлэн Edunburgh Elevator Group нь цахилгаан шат, урсдаг шат, урсдаг зам болон автомашины автомат зогсоолын систем зэрэг дэвшилтэт шийдлүүдийг санал болгож буй дэлхийн жишиг компани юм. Тус компанийн Ерөнхий менежер Virginia-тай ярилцаж, тэдний цахилгаан шат болон урсдаг шатыг Монголын зах зээлд нийлүүлж буй талаар дэлгэрэнгүй мэдээлэл авлаа.

Манай групп нь анх Германаас үүсэлтэй, Хятадын Шанхай хотод төвтэй олон улсын компани юм. Бид цахилгаан шат, урсдаг шат, урсдаг зам, автомат зогсоолын систем зэрэг дэвшилтэт шийдлийг үйлдвэрлэн, тогтмол хөгжүүлдэг. Манай цахилгаан шатнууд нь Хятад Улсын дотоод зах зээлээс гадна Европ, Зүүн Өмнөд Ази, Ойрх Дорнод, Африк зэрэг бүс нутгуудад экспортлогдож байна. Мөн бид Германд байрлах судалгаа, хөгжүүлэлтийн (R&D) төв болон олон улсын технологийн байгууллагуудтай хамтран ажилладаг нь бүтээгдэхүүнийхээ чанар, стандартыг олон улсын түвшинд барих үндэс болдог.

Танай бүтээгдэхүүний онцлог давуу тал…

Манай компанийн бүх цахилгаан шатууд нь Energy-Saving буюу эрчим хүчийг хэмнэх ухаалаг системтэй. Тухайлбал, лифт доош буух үед үүсдэг кинетик энергийг цахилгаан болгон хувиргаж, хадгалах замаар дээш явахдаа тухайн энергийг дахин ашигладаг. Ингэснээр эрчим хүчний хэрэглээг 70 орчим хувиар бууруулах боломжтой. Мөн бүх бүтээгдэхүүнүүд маань A+++ зэрэглэлтэй эрчим хүч хэмнэлтийн олон улсын стандартыг хангасан гэсэн үг юм. Энэ нь зөвхөн байгаль орчинд ээлтэй шийдэл төдийгүй барилга буюу хөрөнгийн үнэ цэнийг өсгөх, эцсийн худалдан авагчдын сонирхлыг татах чухал давуу тал юм. Түүнчлэн бид 100 гаруй төрлийн аюулгүй байдлын патент, олон улсын ISO стандартуудыг хангасан найдвартай, ухаалаг шийдлүүдийг тасралтгүй хөгжүүлж, сайжруулалтыг тогтмол хийж ажилладаг. Ингэснээр барилгын эзэмшигч болон ашиглагчид аюулгүй, найдвартай, урт хугацааны баталгаатай үйлчилгээг авах боломжтой. Дашрамд дурдахад манай Energy-Saving систем болон бусад ухаалаг шийдлүүдтэй төслийн концепци нь бүрэн нийцсэн АНУ-ын Ногоон Барилгын Зөвлөл (USGBC)-өөс олгодог LEED (Leadership in Energy and Environmental Design) гэрчилгээтэй, эрчим хүчний хэмнэлтийг цогцоор нь шийдсэн Neocity орон сууцны төсөлтэй хамтран ажиллаж Монгол улсад бүтээгдэхүүнийхээ өндөр чанар, онцлог давуу талуудаа харуулах болсондоо баяртай байгаа. Мөн Neocity төслийн цахилгаан шатны гүйцэтгэгчээр манай албан ёсны дистрибьютор “Дельта Лифт” компани ажиллаж байгаад сэтгэл хангалуун байгаагаа илэрхийлье.

37 дахь удаагийн BARILGAEXPO үзэсгэлэнгээс "ШИЛДЭГ НОГООН ТЕХНОЛОГИ НЭВТРҮҮЛЭГЧ" - ээр шалгарав. 

Энэхүү брэндийн цахилгаан шатуудын төрөл, хэрэглээний хүрээг товч дурдвал?

Манай компанийн гол бүтээгдэхүүнд:

●    Цахилгаан шат

●    Урсдаг шат

●    Урсдаг зам

●    Автомат автомашины зогсоолын систем багтдаг.

Тухайлбал, автомат зогсоолын систем маань орчин үеийн хотуудын тулгамдсан асуудал болсон авто зогсоолын хомсдолыг шийдвэрлэх зорилготой. Жишээ нь ердөө 3 автомашины зайд 5-9, 10 автомашины зайд 30 хүртэлх автомашиныг удирдлагаар шилжүүлэн автоматаар байрлуулах бүрэн боломжтой. Энэ нь зай талбайн ашиглалтыг гурав дахин нэмэгдүүлж, хотхон, хороолол болон оффисын барилгад зогсоолын хүртээмжийг үр дүнтэй шийддэг. Энэ нь хотын замын түгжрэлийг бууруулж, газар хомсдолтой орчинд зай талбайг ухаалгаар ашиглах давуу талтайгаас гадна хэрэглэгчдийн цаг зав, зардал мөнгийг хэмнэх үр ашигтай сонголт болдог.

Автомашины автомат давхар зогсоолын систем /Puzzle Parking System/

Монголын зах зээлд хэрхэн ажиллаж байна вэ?

Монгол Улсын барилгын салбар эрчимтэй өсөж, шинэ суурьшлын бүсүүд, дахин төлөвлөлтийн төслүүд эрчимжиж байгааг ирээд харлаа. Манай компани салбарын шаардлагад нийцүүлэн чанартай бүтээгдэхүүн, хямд өртөг, хэрэглэгч төвтэй захиалгын уян хатан нөхцлийг Дельта Лифт компаниар дамжуулан санал болгодог. Мөн Монголын уур амьсгал, эрчим хүчний онцлогт тохируулан эрчим хүч хэмнэх ухаалаг системүүдийг онцгойлон хөгжүүлсээр байгаа.

Хиймэл оюун ухаан (AI) болон технологийн шинэчлэлийн хувьд?

Сүүлийн таван жил бид Energy-Saving системийг амжилттай ашиглаж байна. Энэ систем нь хөдөлгөөнөөс үүссэн энергийг цахилгаан болгон хуримтлуулж, 7 хоног хүртэл хадгалах боломжтой. Ийм байдлаар систем маань хэрэглээний оргил үед ч тогтвортой, хэмнэлттэй ажилладаг. Мөн бид хиймэл оюун ухаан (AI)-д суурилсан удирдлагын системийг нэвтрүүлсэн. Үүний тусламжтайгаар:

●   Лифт, авто зогсоолын системийн доголдлыг урьдчилан таамаглах

●   Алсын хяналт хийх

● Мэдээлэл цуглуулан үр ашгийг тооцоолох боломжтой болсон нь засвар үйлчилгээний үр ашгийг нэмэгдүүлж, аюулгүй байдлыг өндөр түвшинд хангах нөхцөлийг бүрдүүлдэг.

Аюулгүй байдалд хэрхэн анхаарч байна вэ?

Аюулгүй байдал бол бидний нэн тэргүүний зорилт. Лифтэнд ямар нэгэн доголдол гарсан тохиолдолд систем автоматаар төв удирдлагын системд мэдээлэл илгээдэг. Ингэснээр бидний засвар үйлчилгээний баг шуурхай ажиллах боломжтой болдог. Мөн автомат зогсоолын систем нь жолооч оролцохгүйгээр автоматаар автомашиныг оруулж, гаргах тул аюул ослын эрсдэлийг эрс бууруулдаг.

Цаашдын зорилго, хамтын ажиллагааны талаар?

Монголын зах зээлд бид урт хугацааны, харилцан ашигтай хамтын ажиллагааг бий болгох зорилготой. Чанартай бүтээгдэхүүн нийлүүлэхээс гадна, технологийн дэвшил, эрчим хүчний хэмнэлт, ухаалаг шийдлүүдийг илүү өргөн хүрээнд нэвтрүүлэхийг эрмэлзэж байна.

Edunburgh Elevator Group нь зөвхөн цахилгаан шат бус, хотжилт, ногоон шийдэл, ухаалаг хөдөлгөөний салбарт шилдэг технологийн шийдлүүдийг санал болгож, Монгол Улсад ухаалаг хотын хөгжлийн нэгэн чухал түнш байх болно.