Монгол Улсын барилгын салбарын хөгжилд үнэмлэхүй нэгэн хөгжил гарч, дотоодын үйлдвэрлэгч Премиум Иннова ХХК-ийн бетон зуурмагийн үйлдвэрлэл, нийлүүлэлтийн бизнесүүд болох  Премиум Конкрит ХХК болон Премиум Бьюлдинг Материалс ХХК  нь Монголдоо төдийгүй Ази тивд хамгийн анхны Concrete Sustainability Council (CSC)-ийн Bronze түвшний гэрчилгээг авч чадлаа. 

НОГООН ШИЙДЭЛ

Ногоон бетон нь ашиглалтын чанар, бат бэх байдлыг алдагдуулалгүйгээр үйлдвэрлэлийн CO₂ ялгаруулалтын хэмжээ, эрчим хүч, усны хэрэглээ, анхдагч түүхий эд олборлолт зэргийг бууруулсан байгаль орчинд ээлтэй гэдгээрээ онцлог. Премиум Иннова нь дахин боловсруулсан түүхий эд, угаасан элс, ус болон энергийн дахин ашиглалтыг үйлдвэрийн үйл явцдаа тогтвортой хэрэгжүүлдэг бөгөөд уг байгаль орчинд ээлтэй шийдлүүдийн хүрээнд CSC-ийн олон улсын шалгуурыг ханган уг гэрчилгээг амжилттай авч чадав. 

БҮТЭЭХ ҮНЭ ЦЭН

Барилга байгууламжийн үндсэн бүтцийн суурь материал болох бетон нь тухайн төслийн онцлогоос хамааран барилгын нийт эзлэхүүний 20%–70%-ийг бүрдүүлдэг. Иймээс ногоон бетон ашигласнаар барилгын нийт ногоон үнэлгээгээ хамгийн богино хугацаанд, хамгийн үр дүнтэй ахих боломжтой салбар хэсгийн нэг юм.

Уг Bronze түвшний ногоон бетон нь олон улсын барилгын тогтвортой хөгжлийн үнэлгээний системүүд болох LEED, BREEAM, C.A.S.A, DGNB, Envision, OGNI, EDGE зэрэгт зөвшөөрөгдсөн байдаг ба ASTM C94/C94M-23, MNS EN 206:2017 зэрэг олон улсын болон дотоодын стандартын чанарын шаардлагад бүрэн нийцсэн тул төслийн чанарыг золиослохгүйгээр тогтвортой хөгжлийг дэмжих хамгийн сайн сонголт болдог.

Мөн энгийн бетоноос ялгаатай нь ногоон бетоны хувьд төсөлд оруулах уртын хугацаанд үр өгөөж, давуу чанар ихтэй гэдгээрээ онцлог. Үүнд:

• Чанарын баталгаа- CSC гэрчилгээ нь олон улсын зах зээлд хүлээн зөвшөөрөгдөх чанарын баталгаа болж чадна. 
• Бодит үнэ цэн- Байгальд ээлтэй төсөл болсноор объектын түрээслэх болон борлуулагдах үнэлгээ өснө. 
• Ногоон санхүүжилт, хөрөнгө оруулалтад хамрагдах боломж – Дотоодын болон Олон Улсын тогтвортой ногоон бизнесийн зээл, санхүүжүүлэлтүүдэд  хамрагдах нөхцөл бүрдэнэ.

ХАМТЫН ШИЙДЭЛ

Уг хөгжлийн хүрээнд барилга бүтээн байгуулалтын төслүүд  хөгжүүлэгч, гүйцэтгэгч нар Премиум Иннова ХХК-ийн CSC гэрчилгээтэй ногоон бетон зуурмагийг 2025 оны 10 сарын 1-ээс эхлэн Голомт банкны тогтвортой, ногоон бизнесийн зээлийн нөхцөлөөр худалдан авах боломж нээгдлээ.

Ингэснээр үйлчлүүлэгчдэдээ олон улсын стандартад нийцсэн ногоон шийдлийг санхүүгийн таатай нөхцөлөөр, амжилттай хэрэгжүүлэх боломж, нөхцөлийг цогцлоож чадлаа.

Голомт банкны ногоон зээлийн нөхцөл:

• Зээлийн хэмжээ: 5 тэрбум төгрөг хүртэл (нэг зээлдэгчийн)
• Зээлийн хугацаа: 30 сар хүртэл
• Сарын хүү: 1.4% 
• Зээлийн гэрээнд өөрчлөлт оруулсан шимтгэл: 0.30% (үлдэгдэл дүнгээс өөрчлөлт оруулах бүрд)
• Барьцаа хөрөнгийн төрөл, хэлбэр: Банкны шаардлага хангасан барьцаа хөрөнгө
• Бусад: Банкны зээлийн журмын дагуу бусад шаардлагыг хангасан байх

Энэхүү тогтвортой, ногоон бизнесийн зээл нь цэвэр агаар, эрүүл орчин, тогтвортой ирээдүйг бүтээхэд чиглэсэн төслүүдийг санхүүжүүлж, Монгол Улсын ногоон хөгжилд хувь нэмрээ оруулна гэдэгт итгэлтэй байна.

Дэлгэрэнгүй мэдээлэл:

Премиум Иннова борлуулалтын баг: 7777-3311

Голомт банкны харилцагч хариуцсан эдийн засагчтай холбогдох 

Голомт банкны өөрт ойр салбараас мэдээлэл авах боломжтой.