БНСУ-ын Засгийн газраас энэ оны зургадугаар сарын 27-нд орон сууцны үнийн өсөлтийг хязгаарлах зорилгоор ипотекийн зээлийн нөхцөлийг чангатгасан ч тус арга хэмжээ нь зөвхөн түр хугацаанд нөлөө үзүүлсэн бөгөөд сүүлийн гурван долоо хоног дараалан орон сууцны үнэ дахин өссөөр байна.

Үнийн өсөлт хамгийн их байсан Ганнамын гурван дүүрэг болон газар худалдах зөвшөөрлийн бүсэд хамаарах Ёнсан-гу дүүргээс гадна Сондонг-гу, Мапо-гу зэрэг Хан мөрний дагуу байрлах бүсүүдэд ч орон сууцны үнийн өсөлт эрчимжиж эхэлжээ.

Үүнтэй холбоотойгоор, үл хөдлөх хөрөнгийн зах зээлийг тогтворжуулах БНСУ-ын Засгийн газрын арга хэмжээ үр нөлөөгөө хурдан алдаж байна гэсэн шинжээчид болон иргэдийн шүүмжлэл нэмэгдэж байна.