2025 оны 9-р сарын 17-нд Хонконгийн Засгийн газар үл хөдлөх хөрөнгийн зах зээлээ сэргээх зорилгоор гадаадын хөрөнгө оруулагчдад зориулсан визийн бодлогоо зөөлрүүлжээ. 

Өмнө нь хөрөнгө оруулагч виз авахын тулд 50 сая хонконг долларын үнэтэй үл хөдлөх хөрөнгө худалдан авах шаардлагатай байсан бол шинэ журмаар энэ босгыг 30 сая хонконг доллар болгон бууруулсан байна.

Энэ нь гадаадын хөрөнгө оруулагчдыг дахин татах, зах зээлийн идэвхийг нэмэгдүүлэхэд чиглэж байгаа ч эдийн засгийн өсөлт удааширсан, үл хөдлөх хөрөнгийн нийлүүлэлт ихэссэн зэрэг суурь асуудлууд хэвээр байна. 

2016 оноос хойших хугацаанд орон сууцны дундаж үнэ хамгийн доод түвшинд хүрээд байгаа бөгөөд тус бүс нутгийн эдийн засгийн гол салбар болох үл хөдлөх хөрөнгийн зах зээлийг дэмжих шаардлага тулгараад буйг шинжээчид онцолж байна.