Барилгын салбарын шилдэг аж ахуй нэгж байгууллагууд нэгэн дор цуглаж, барилгын материал, дэвшилтэт техник технологи, шинэ орон сууц, хаусны төсөл хөтөлбөрүүдээ танилцуудаг BARILGA EXPO олон улсын барилгын үзэсгэлэн яармаг 38 дахь удаагаа амжилттай зохион байгуулагдлаа. 

Буянт-Ухаа ордонд 09 дүгээр сарын 12-14 - ны өдрүүдэд зохион байгуулагдсан уг үзэсгэлэнд ОХУ, Хятад, Солонгос, Япон, Герман, Чех, Итали, Турк зэрэг 20-иод улсын 60 орчим компани, шинэ орон сууцны төсөл хөтөлбөр хэрэгжүүлэгчид, барилгын материал үйлдвэрлэгчид, ханган нийлүүлэгчид зэрэг дотоодын 300 гаруй аж ахуй нэгж байгууллагууд оролцсоноос шилдэг  8 аж ахуй нэгж шилдгээр шалгарлаа. 

ШИЛДЭГ  ҮЙЛДВЭРЛЭГЧЭЭР МУЗА РУС ХХК

Муза Рус компани нь 2016 онд үүсгэн байгуулагдсан бөгөөд хамгийн сүүлийн үеийн дэвшилтэт технологид суурилагдсан евро стандартын 23 нэр төрлийн бүрэн автомат тоног төхөөрөмж ашиглан захиалагч, хэрэглэгчийн сэтгэлд нийцсэн загварлаг, содон дизайнтай хаалгыг сэтгэлээ шингээн урлаж байна.  Тус үйлдвэр нь хоногт 40 ком хаалга үйлдвэрлэх хүчин чадалтай юм.  

ШИЛДЭГ БАРИЛГЫН МАТЕРИАЛААР ҮЛЭМЖ ШУКО БЮЛДИНГС ХХК 

ҮЛЭМЖ ШУКО БЮЛДИНГС ХХК нь Герман улсын Alucobond брэндийн  металл фасадыг 2011 оноос эхлэн барилгын зах зээлд нийлүүлж байна. Уг брэнд нь  1969 оноос үйлдвэрлэгдэж эхэлсэн бөгөөд 50 жил өнгөө алдаггүй, галд тэсвэртэй гэдгээрээ олон улсад танигдсан фасад юм. 

ШИЛДЭГ ТӨСЛӨӨР BELMONTE RESIDENCE

Belmonte residence төсөл нь Богд Хан уулын  энгэрт, хүүшийн аманд байрладаг нийт 8 га газрыг хамарсан, 15 давхар, 73 айлын багтаамжтай  бизнес зэрэглэлийн орон сууц юм. Байршлын хувьд үнэ цэнэ хадгалах онцгой давуу талтайгаас гадна, B1 болон B2 давхартаа авто машины дулаан зогсоолтой. Нийт талбайн ердөө 15 хувийг барилгажилтад ашигласан нь ногоон байгууламж, нээлттэй орон зайг дээдэлсэн төлөвлөлтийг илтгэнэ. 

Мөн гадна тохижилтын хүрээнд оршин суугчдын хэрэгцээ шаардлагад нийцсэн 80 гаруй авто машины ил зогсоол, хүүхдийн тоглоомын талбай, сагсан бөмбөгийн шийд бүхий спортын булан, ногоон байгууламж бүхий цогц орчин үеийн хотхон төлөвлөсөн нь амьдралын тав тухтай орчин бүрдүүлж өгч байна. 

Төслийн гол онцлог нь 1 дүгээр давхарт байрлах цэцэрлэг, хүүхэд багачуудад зориулсан тоглоомын талбай, мөн тэдний аюулгүй байдлыг хангах зорилгоор төлөвлөсөн авто машингүй бус юм. мөн төслийн орчин тойронд тэрийн болон хувийн хэвшлийн сургууль, худалдаа, үйлчилгээний төвүүд байрлаж байгаа нь таны гэр бүлийн хэрэгцээ шаардлагыг бүрэн хангахын зэрэгцээ цаг хугацааг хэмнэх, тав тухтай амьдрах орчныг бүрдүүлж байна.

ШИЛДЭГ ТӨСӨЛ ХЭРЭГЖҮҮЛЭГЧЭЭР РОЯЛХАУС КОНСТРАКШН ХХК

Роял хаус констракшн компани нь 2011 оноос хойш нийт 11 барилга, орон сууц, оффисын зориулалттай байр бүхий 6000 - н айлын орон сууцны төсөл хөтөлбөрүүдийг хэрэгжүүлээд байна. 

2023 оноос хойш Агарта резиденс 18 блок 3000  айлын орон сууцны төслийг хэрэгжүүлж байгаа бөгөөд хотхондоо хувийн бага сургууль, улсын сургууль, хүртээмжтэй тоглоомын талбай, сагсны талбай, ногоон байгууламж, үйлчилгээ зэргийг цогцлоосон гэдгээрээ онцлог юм.

ШИЛДЭГ НОГООН ТЕХНОЛОГИ НЭВТРҮҮЛЭГЧЭЭР АМАРСТАРС ХХК  -ийн ECOVER MONGOLIA-агаар цэвэршүүлэгч

АМАРСТАРС компанийн ECOVER MONGOLIA агаар цэвэршүүлэгч нь байгууллага, сургууль, цэцэрлэг, эмнэлэг, үйлчилгээний орчинд зориулагдсан цахилгаан эрчим хүчний хэмнэлттэй, хүн, байгаль орчинд ээлтэй, олон улсын стандартыг хангасан бүтээгдэхүүн юм. Тус агаар цэвэршүүлэгч нь олон давхар буюу 4 карбон шүүлтүүртэй тул агаарыг хамгийн сайн цэвэршүүлдэг. Бүх үйлдэл нь Монгол хэл дээр ухаалаг шийдлийн системтэй гэдгээрээ онцлог юм. 

ШИЛДЭГ ХАНГАН НИЙЛҮҮЛЭГЧЭЭР ТҮМЭН ТӨМӨРТ ГРУПП ХХК

Түмэн төмөрт групп компани нь 2007 оноос хойш импортоор төмөр бэлдцүүдийг нийлүүлж ирсэн 18 жилийн туршлагатай, 3 салбар компани нийт 200 гаруй ажилтантайгаар төмөр хийц, барилгын хэрэглээний 31 нэр төрөл 700 гаруй хэмжээний сонголттой бүхий л төрлийн төмрийг Монголын зах зээлд Хятад болон Оросын холбооны улсаас нийлүүлж байна. Тус компани нь үйл ажиллагаандаа олон улсын ISO 9001 чанарын стандарт, ISO 45001 ХАБЭА стандарт, ISO 14001 байгаль орчны стандартыг 2018 оноос нэвтрүүлэн 7 дахь жилдээ амжилттай хэрэгжүүлэн ажиллаж байна.

2025 оноос Түмэн төмөрт групп ХХК болж нэрээ өөрчлөн

• Хэв хашмал үйлдвэрлэл, түрээс, засвар. 
• Барилгын материалын худалдаа 2000+ нэр төрлийн материал зэрэг нэр төрлөө нэмж барилгын салбарын харилцагч нартаа нэг дороос бүхий л үйлчилгээ ханган нийлүүлж байна. 

ШИЛДЭГ ОРОЛЦОГЧООР ТААЗ ЭМ ЭН ХХК 

13 жилийн туршлагатай  ТААЗ ЭМ ЭН компани нь барилгын салбарт метал фасад, чулуун фасад, хөнгөн цагаан тааз, панел хавтангууд, хар фанер зэрэг олон өнгө, загварын өргөн сонголттой бүтээгдэхүүнийг зах зээлд санал болгодог.

Энэ удаагийн үзэсгэлэнд Европын алдарт Tor pinturas брэндийг танилцууллаа. Тус брэндийн албан ёсны төлөөлөгчөөр Tor Pinturas Mongolia ажиллаж байгаа бөгөөд  Монголын зах зээлд усан суурьтай, байгальд ээлтэй, үнэр багатай эмульсийг нийлүүлж байна. Энэхүү будаг нь хүний эрүүл мэнд болон дотоод орчны агаарт сөрөг нөлөө багатай, Францын “A+” үнэлгээ авсан нь органик дэгдэмхий нэгдлийн агууламж маш бага гэдгийг баталдаг. TOR эмульс нь өнгөний өргөн сонголттой “TOR Color” системээр дамжуулан хэрэглэгчийн хүссэн өнгө, сүүдэр, өнгөний тод байдлыг олгодог бөгөөд интерьер, экстерьерийн алинд ч тохиромжтой. 

ШИЛДЭГ ОРОЛЦОГЧООР ЕВРО БАЗАЛЬТ ХХК

Евро базальт үйлдвэр нь гадна дээвэр, хана, гадна фасад, дотор дулаалгын бүтээгдэхүүнийг 160 кг/м3 хүртэлх нягтын сонголттойгоор жилд 16 мянган тонн эрдэс чулуун хөвөнг европ технологийн дагуу үйлдвэрлэх хүчин чадалтай бөгөөд дотоодын зах зээлийг хангах зорилготой ажиллаж байна. 

Тус чулуун хөвөнгийн үйлдвэр нь Италийн евро стандартаар баталгаажсан орчин үеийн автомат дэвшилтэт төхөөрөмжөөр тоноглогдсон гэдгээрээ онцлог юм.