Нийслэлийн 2026 оны хөгжлийн төлөвлөгөөнд Улаанбаатар хотыг бүсчлэн хөгжүүлэх хүрээнд 67 зорилтыг хэрэгжүүлэхээр тусгасан байна. Эдгээр зорилтыг хэрэгжүүлэхэд нийт 170 төсөл, арга хэмжээ багтсан бөгөөд нийтдээ 9.3 их наяд төгрөгийн санхүүжилт шаардлагатай гэж тооцоолжээ.

Бодлогын хүрээ бүрээр зорилт, төсөл, санхүүжилтийн хэмжээ дараах байдлаар төлөвлөгдсөн байна.

Хүний хөгжлийн бодлого: 33 зорилт, 115 төсөл, 397.7 тэрбум төгрөг

Эдийн засгийн бодлого: 29 зорилт, 57 төсөл, 552.2 тэрбум төгрөг

Ногоон хөгжлийн бодлого: 21 зорилт, 56 төсөл, 651.3 тэрбум төгрөг

Засаглалын бодлого: 40 зорилт, 51 төсөл, 42.8 тэрбум төгрөг

Мөн нийслэлийн бүтээн байгуулалтыг эрчимжүүлэх хүрээнд бэлтгэл ажлын явцыг 2026 он гэхэд 53 хувьд хүргэх зорилт тавиад байна. Үүний хүрээнд дараах томоохон төслүүдийг хэрэгжүүлэхээр төлөвлөжээ.

Туул голын дагуу хурдны зам, гүүрэн байгууламжийн ажлыг үргэлжлүүлэх

Нэгдүгээр тойрог замын барилга угсралтын ажлыг эхлүүлэх

Гол болон туслах гудамж, хорооллын доторх авто замыг шинээр барих

Үндсэн авто замын сүлжээг 107 км-ээр нэмэгдүүлэх

Эдгээр төслүүдийг хэрэгжүүлснээр нийслэлийн дэд бүтцийн хүртээмж сайжирч, тээврийн ачаалал буурах, хотын төвлөрлийг сааруулах зэрэг үр дүн хүлээгдэж байна.