2025 оны эхний хагас жилийн байдлаар АНУ-ын үл хөдлөх хөрөнгийн даатгалын төлбөр түүхэн дээд хэмжээнд хүрч, жилийн дундаж төлбөр 2,370 ам.долларт хүрсэн талаар Intercontinental Exchange мэдээллээ. Энэ нь өмнөх оны мөн үетэй харьцуулахад 4.9 хувиар өссөн үзүүлэлт юм.

Даатгалын хураамж нэмэгдэхэд хүргэсэн гол шалтгаануудын нэг нь уур амьсгалын өөрчлөлт болон түүний улмаас нэмэгдэж буй байгалийн гамшигт үзэгдлүүд аж. Үер, ой хээрийн түймэр зэрэг эрсдэл өндөртэй бүс нутгуудад даатгалын компаниуд төлбөрөө нэмэгдүүлэх эсвэл бүрэн татгалзах хүртэл арга хэмжээ авч байна.

Жишээлбэл, Калифорни муж, тэр дундаа Лос-Анжелес хотын орчимд салхи, түймрийн улмаас учирч буй хохирол нь тус бүсийн даатгалын төлбөрийг энэ онд гэхэд 9 хувиар өсгөж, өмнөх оноос 20 гаруй хувиар өндөр болгосон байна.

Энэхүү өсөлт нь үл хөдлөх хөрөнгийн эзэмшигчдэд илүү өндөр зардал үүрүүлж, даатгалын салбарын бүтэц, бодлогод өөрчлөлт оруулах шаардлагыг бий болгож байна.