Хүйтний улирал наашилж, хааяа хааяахан утаа түрүүч үзэгдэж эхэллээ. Улаанбаатарчууд ирэх өвлийг цэвэр агаараар цээж дүүрэн амьсгалах боломж олдох нь бололтой.

 

     Нийслэлийн засаг даргын тамгын газар 2012 оны 09 сарын 28-аас эхлэн 14 хоногийн хугацаатай “Цэвэр агаар танд бэлэглэе” сэдэвт өдөрлөгийг Сүхбаатарын талбайд зохион байгуулахаар бэлтгэж байна.

 

     Энэхүү арга хэмжээний гол зорилго нь агаарын бохирдол болон олон нийтийн барилга дах эрчим хүчний хэрэглээг хэмнэх замаар барилгын салбараас ялгарч буй хүлэмжийн хийн өсөлтийг бууруулах зорилготой зохион байгуулж байгаа юм. Өдөрлөгт Эрчим хүчний хэмнэлттэй технологи, Амины орон сууц, утаагүй түлш, зуух гээд утааг багасгах чиглэлээр хийсэн бүх тоног төхөөрөмжүүд орох юм байна.