Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэл бэлтгэн хүргэдэг Барилга МН сэтгүүлийн 9-р сарын дугаар хэвлэгдэн гарлаа. 

Энэ сарын дугаарын нүүр хуудсанд МАК ХХК хамтран ажиллалаа. 

 184 дэх дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн VIP ярилцлагын зочин хоймортоо барилгын салбарт 17 дахь жилдээ ажил мэргэжил, амьдралаараа холбогдож яваа Хэв Хашмал ХХК-ийн ерөнхий захирал Р.Дүгэрсүрэнийг урьж ярилцлаа. Тэрбээр залуу насандаа гаднын улсад хөдөлмөрлөн хөгжил дэвшлээс нь суралцаж, шударгаар хөдөлмөрлөхийн үр шимийг хүртэн бизнесээ эхлүүлсэн түүхээ хуваалцсан юм. 

МИНИЙ ТҮҮХ

“Хэн нэгнээс илүү гарах гэж биш. Бусдад үлгэрлэх ч гэж биш. Харин зүгээр л өөрийн амьдрах орчноо өөрийн гараар бүтээхийг зорьсон юм” хэмээн хуучлах энэ эрхэмийг Х.Тулгат гэдэг. Тэрбээр хотын дуу чимээ түгжрэлээс ангид цэвэр агаарт, эхнэр, өндөр настай аавын хамтаар жилийн дөрвөн улирал өөрийн гараар ургуулсан ногоон төгөлдөө амьдарч байна. Түүний 18 жилийн турш уйгагүй хөдөлмөрлөсний үр дүнд зуслангийн хашаагаа жинхэнэ ногоон төгөл болгон тохижуулсан талаар уншаарай.       

АРХИТЕКТУР ДИЗАЙН: 

Орчин цагийн барилгын салбар эрчим хүч хэмнэхээс цаашлаад байгальд ээлтэй, бие даасан, ухаалаг шийдэл бүхий барилга байгууламжуудыг эрэлхийлэх болжээ. Үүний тод жишээ бол АНУ- ын Орегон мужийн Портланд хотын төвд байрлах PAE Living Building юм. Тус барилаг нь дэлхийд анх удаа хөгжүүлэгчээр удирдуулсан бүрэн “Living Building Chaellenge” (LBC) гэрчилгээ авсан анхны арилжааны оффис барилга юм. 

СУДАЛГАА 

Монгол Улсын орон сууцны зах зээлд үнийн хэлбэлзэл нь хэрэглэгчид, хөрөнгө оруулагчид, барилгын компаниудын шийдвэрт шууд нөлөөлдөг чухал үзүүлэлт юм. Ялангуяа улирлын шинж чанар, өмнөх оны мөн сарын үнийн харьцуулалт нь зах зээлийн идэвхжил, эрэлт нийлүүлэлтийн тэнцвэрийг ойлгоход гол түлхэц болдог. Энэхүү судалгаанд 2022-2025 оны хооронд шинэ ба хуучин орон сууцны 1 м² дундаж үнийн улирлын хэлбэлзэл, мөн өмнөх оны мөн сартай харьцуулахад үнийн уналт гарсан эсэхийг дүн шинжилгээ хийв.

МЭРГЭЖИЛТНИЙ ҮГ 

Нийслэл улаанбаатр хотын өнөөгийн түгжрэл, шугамын асуудлын шалтгаан хийгээд шийдлийн талаар мэргэжилтний бэлтгэсэн мэдээллийг Барилга МН сэтгүүлийн 184 дэх дугаараас уншина уу. 

НОГООН БАРИЛГА

Монгол Улсад сүүлийн жилүүдэд ногоон барилгын чиглэлээр санаачилгууд нэмэгдэж, олон улсын стандартад нийцсэн төслүүд бодитоор хэрэгжсээр байна. Тэдгээрийн нэг бол олон нийтинй зориулалттай, зочид буудлын чиглэлээр анхдагч ногоон барилаг болох “Грийн Гоби” зочид буудал юм. Өмнөговь аймгийн Даланзадгад хотод байрлах олон улсын EDGE стандартын шаардлагад нийцүүлэн төлөвлөгдсөн эрчим хүч, ус, барилгын материалын хүлэмжийн хийг багасгасан анхны 4 одтой ногоон зочид буудлын талаар Барилга МН сэтгүүлийн 184 дэх дугаараас уншаарай.  

АМИНЫ ОРОН СУУЦ 

Эрчим хүчний хэмнэлттэй 74 метр квадрат жишиг амины орон сууц төлөвлөлтийн талаарх мэдээлэл бэлтгэн хүргэж байна. Энэхүү эрчим хүчний хэмнэлттэй амины орон сууцны хийцлэлийн хувьд евро хөнгөн блокоор зурагдсан төсөл юм. 

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  барилгын материалын дулаалгын зах зээлийн судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших

Утас: 9100-0233, 7711-3333