“Nestle” нэртэй бичил сууц өмнө нь салхин турбины нэгэн хэсэг байсан гэдэгт итгэхэд бэрх. Салхин турбины хамгийн чухал бүрэлдэхүүн болох населийн хэсгээс бүтсэн бөгөөд энэ хэсэг нь турбины хөдөлгүүр, зогсоох систем, генераторыг агуулсан “гол” хэсэг юм.

Гаднаасаа “Nestle” нь металл хайрцаг мэт харагддаг бөгөөд дээвэр дээрээ дөрвөн нарны зайн хавтан болон шилэн дээвэртэй. Харин доторх зохион байгуулалт нь 35 м² (376 кв. фут) хэмжээтэй, цэлгэр, байгалийн гэрэл сайтай, орчин үеийн тав тухтай орон сууц болжээ.

Энэхүү төслийг анх удаа населийн хэсгийг орон сууц болгон хувиргасан шинэ төрлийн шийдэл гэж Blade-Made болон Superuse Studios компанийн баг тодорхойлсон байна. Superuse-ийн архитектор, Blade-Made компанийн түнш Йос де Кригер “Энэ бол хамгийн төвөгтэй хувилбар байсан ч, бусад бүх энгийн шийдлүүд илүү бодитой хэрэгжих нөхцөл бүрдүүлж өглөө” хэмээн онцолжээ.

Цаашид дэлхий даяар ашиглалт дууссан салхин турбинуудын эд ангиуд хаягдал болох бус, дахин ашиглагдах шаардлага тулгарах юм. Энэ төрлийн дахин боловсруулалт, бүтээлч хэрэглээ нь байгаль орчны ачааллыг бууруулах, тогтвортой ирээдүйг цогцлоох чухал алхам гэж мэргэжилтнүүд үзэж байна.