2025 оны 8 дугаар сарын сүүлээр Хонконгийн хамгийн нэр хүндтэй бүс нутгуудын нэг болох Peak Area-д байрлах тансаг зэрэглэлийн орон сууц 140 сая ам.долларын үнэ бүхий хэлцлээр зарагдсан нь тус хотын энэ оны үл хөдлөх хөрөнгийн зах зээл дээрх хамгийн өндөр дүнтэй борлуулалтуудын нэг болж бүртгэгдлээ. 

Энэ нь одоогийн ханшаар 1 тэрбум 90 сая хонгконг доллартай тэнцэж байгаа юм. Худалдагдсан үл хөдлөх хөрөнгө нь нийт 1000 гаруй м.кв талбайтай, таван унтлагын өрөөтэй, дотороо хувийн цахилгаан шаттай бөгөөд архитектурын хувьд ч, байршлын хувьд ч онцгой үнэлгээтэй байжээ.

Хэлцэл нь олон улсын болон дотоодын хөрөнгө оруулагчдын анхаарлыг татаж, Хонконгийн үл хөдлөх хөрөнгийн зах зээлд дээд зэрэглэлийн хөрөнгө оруулалт үргэлжилж байгааг илтгэн харуулж байна. Худалдан авагчийн нэрийг олон нийтэд зарлаагүй байгаа ч үл хөдлөх хөрөнгө зуучлалын салбарын эх сурвалжуудын мэдээлснээр, хэлцлийг гадаадын өндөр хөрөнгөтэй хувь хүн хийсэн гэж үзэж байна. Энэ нь олон улсын хөрөнгө оруулагчид Хонконгийг эдийн засгийн тогтвортой байдал, үл хөдлөх хөрөнгийн урт хугацааны үнэ цэнээр нь үнэлсээр байгааг харуулж байгаа жишээ юм.