"Вашингтон D.C"-д анхаарал татдаг зүйлсийн нэг бол тэнгэр баганадсан өндөр барилгууд огт байхгүй явдал.Энэхүү хотын уудам задгай байдал, намхан барилгажилт нь нүд баясгам өвөрмөц дүр төрхийг бүрдүүлдэг. Олон хүн “Харандаа” хөшөө буюу алдарт Вашингтоны дурсгалт обелиск (ойролцоогоор 169 метр)–ээс өндөр барилга барихыг хориглосон байдаг гэж боддог. Гэвч энэ ойлголт үнэндээ ташаа бөгөөд барилгын өндрийн хязгаарлалт нь өөр шалтгаантай.

1910 онд гарсан “Height of Buildings Act” хуулиар барилгын өндрийг тухайн байрлах гудамжны өргөнтэй уялдуулан хязгаарласан байдаг. Үндсэн зарчим нь маш энгийн: барилгын өндөр ≤ тухайн гудамжны өргөн + 6 метр. Жишээ нь, гудамжны өргөн 30 метр байвал, тэнд 36 метрээс өндөр барилга барихыг хориглоно. 

Ийм байдлаар:

Худалдаа, үйлчилгээний гудамжид дээд тал нь 40 метр орчим (130 фут)

Орон сууцны бүсэд дээд тал нь 27 метр орчим (90 фут) өндөртэй байж болно6

Тэгэхээр Washington Monument шиг 169 метр өндөр барилга барихад гудамж нь 163 метр өргөн байх хэрэгтэй. Гэтэл D.C хотод ийм өргөн гудамж бараг байхгүй.

Энэ хязгаарлалт нь хотын уудам байдал, түүхэн уур амьсгал, нарны гэрэл чөлөөтэй тусах нөхцөл, агаарын солилцоог хадгалах зорилготой байв. Тиймдээ ч Вашингтон хот өнөөг хүртэл дэлхийн нийслэлүүд дундаа хамгийн “тэнгэр баганаддаггүй” хот хэвээр байна.