"Чингис Шар Айраг" ХХК нь “Chinggis Beer 2.0” төслийн хүрээнд шинээр баригдах шингэн хүнсний үйлдвэрийн Ерөнхий Гүйцэтгэгч (ЕГ)-ийг сонгон шалгаруулах ажлын хүрээнд чадавх бүхий боломжит гүйцэтгэгч нараас Оролцох сонирхлоо илэрхийлэх хүсэлт (ОСИХ) хүлээн авч байна. 

Төслийн товч танилцуулга

• Төслийн нэр: Chinggis Beer 2.0
• Байршил: Улаанбаатар хот, Баянзүрх дүүрэг, 11 дүгээр хороо, Ургах наран хорооллын зүүн талд
• Барилгын талбай: 5,250 м²
• Барилгын өндөр: 12м
• Блокийн тоо: 3 үндсэн блок (1 блок дотор 2 давхар)

Ажлын хамрах хүрээ

Ерөнхий гүйцэтгэгч нь батлагдсан зураг төслийн дагуу захиалагчийн Хүнсний үйлдвэрлэл, үйлчилгээний ган каркас бүхий сэндвич барилга угсралтын ажлыг Монгол Улсын холбогдох хууль тогтоомж, түүнд нийцүүлэн гаргасан бусад хууль тогтоомжийн акт, БНБД, Барилгын зураг төсөл, Гэрээний бичиг баримтын дагуу чанарын өндөр түвшинд гэрээнд заасан хугацаанд тасралтгүйгээр хийж гүйцэтгэн, Ажлын үр дүнг Захиалагчид хүлээлгэн өгнө. Ажлын хамрах хүрээнд шаардлагатай тоног төхөөрөмж нийлүүлэлт, угсралт, туршилт тохируулга хийх, Захиалагч болон Улсын Комисст хүлээлгэн өгөх ажлууд багтана.

• Барилга барих талбайн бэлтгэл, барилгын түр хашаа, түр оффис, агуулах, хог цуглуулах цэг, ариун цэврийн блок байгуулах;
• Харуул хамгаалалт
• Геодезийн хэмжилт (Survey)
• Барилга угсралт – суурь, ган каркас, сэндвич
• Фасад, Цонх, Хаалга
• Сантехникийн угсралт
• Гал унтраах систем
• Цахилгааны угсралт
• Хөргөлтийн систем
• Халаалт агаар сэлгэлт
• Холбоо дохиолол
• Гадна ЦБУ хангамж
• Гадна Холбоо дохиолол
• Дотор засал, тавилга, бусад шаардлагатай тоног төхөөрөмж
• Гадна тохижилт, Зам, зогсоол, гадна гэрэлтүүлэг, хашаа, орц, гарц

Сонгон шалгаруулах шалгуур

Оролцогч байгууллага нь дараах шаардлагыг хангасан байх:

• МУ-д үйл ажиллагаа явуулдаг хуулийн этгээд, ААН байх
• Хүчин төгөлдөр Барилга угсралтын тусгай зөвшөөрөлтэй байх
• Хамгийн багадаа хоёр ба түүнээс дээш тооны 3,000м2 талбайгаас том хэмжээтэй үйлдвэрийн болон худалдаа/аж үйлдвэрийн барилга угсралтын төслийн Ерөнхий гүйцэтгэгчээр ажиллаж байсан туршлагатай.
• Барилга угсралтын төслийг удирдан зохион байгуулах чадвар бүхий мэргэжлийн боловсон хүчинтэй.
• Техникийн болон санхүүгийн чадавхтай байх
• Хөдөлмөр, аюулгүй ажиллагаа, байгаль орчны олон улсын стандартуудыг үйл ажиллагаандаа хэвшүүлсэн байх. 

Ирүүлэх материал

Оролцогч байгууллага нь дараах материалыг Монгол хэл дээр ирүүлнэ.

Заавал бүрдүүлэх бичиг баримтууд:

1. Хуулийн этгээдийн бүртгэлийн гэрчилгээ, тусгай зөвшөөрөл (хуулбар)
2. ХАБЭА бодлого журам (хуулбар)
3. Бизнесийн ёс зүйн дүрэм (хуулбар)
4. Сүүлийн 3 жилийн санхүүгийн тайлан, хөндлөнгийн аудитын байгууллагаар баталгаажсан байх. (хуулбар)
5. Байгууллагын товч танилцуулга
6. Хувьцаа эзэмшигчидийн мэдээлэл, Компанийн дүрэм (хуулбар)
7. Түлхүүр ажилчдын танилцуулга, ажлын туршлага (хуулбар)
8. Байгууллагын бүтэц ба нийт ажиллах хүний мэдээлэл (хуулбар)
9. Өөрийн эзэмшлийн эсвэл түрээсийн Тоног төхөөрөмжийн жагсаалт (хуулбар)

Тухайн төслийн хүрээнд бүрдүүлэх бичиг баримтууд:

1. Ижил төстэй гүйцэтгэсэн төслүүдийн жагсаалт (сүүлийн 10 жил дотор)
2. Өмнө гүйцэтгэсэн ажлын Захиалагчийн тодорхойлолт (2 ба түүнээс дээш)

Хугацаа, материал хүлээн авах хаяг

• Материал хүлээн авах эцсийн хугацаа: 2025 оны 8 дугаар сарын 22, 17:00 цаг. Хугацаанаас хоцорч ирүүлсэн ОСИХ-ийг хүлээн авахгүй.
• Хүлээн авах хаяг / И-мэйл: khongorzul.b@chinggisbeer.com
• Хавтас/И-мэйлийн гарчиг: “1/130 ОСИХ – Шингэн хүнсний үйлдвэрийн ерөнхий гүйцэтгэгч”
• Формат: PDF

Анхааруулга

Энэхүү Сонирхлын илэрхийлэл нь тендерийн санал (ТС) биш бөгөөд зөвхөн урьдчилсан шалгаруулалт хийх зорилготой. Чингис Шар Айраг ХХК нь ирүүлсэн материалд үнэлгээ хийж, шалгарсан байгууллагуудад дараагийн шатны тендерийн урилга илгээх болно. Чингис Шар Айраг ХХК нь тендерт оролцогчдын хүсэлтийг хүлээн авсан нь аливаа бараа материал, үйлчилгээг худалдан авах үүрэг, амлалт, баталгаа болохгүй бөгөөд оролцогч талуудын оролцох сонирхлоо илэрхийлэхтэй холбоотой гарсан, гарч болох аливаа зардлыг хариуцахгүй.

Холбоо барих:
Чингис Шар айраг ХХК
Төслийн зохицуулагч, Б.Хонгорзул, Утас: 99281470
И-мэйл хаяг: khongorzul.b@chinggisbeer.com

Хаяг: Монгол улс, Улаанбаатар 14241, Сүхбаатар дүүрэг, 1 дүгээр хороо, Олимпийн гудамж, 19А, Шангри-Ла Төв, Шангри-Ла Оффис, 23 давхар. 

Чингис Шар Айраг ХХК, Худалдан авалтын алба