2025 оны 3 дугаар сарын 28-нд Тайландын нийслэл Бангкок хотод 7.7 магнитудын хүчтэй газар хөдлөлт болж, 30 давхар барилга нурсан харамсалтай осол гарсан билээ. Уг байгууламж нь газар хөдлөлтийн үеэр нурсан цорын ганц барилга байсан бөгөөд ослын улмаас 100 гаруй хүн амиа алдсан.

Энэхүү барилга нь Тайландын “Italian-Thai Development” болон Хятадын төрийн өмчит “China Railway Number 10 (Thailand) Ltd” компанийн хамтарсан төсөл байсан бөгөөд осолтой холбогдуулан Тайландын прокурорын байгууллага 2025 оны 8 дугаар сарын 7-нд  хоёр компанийн удирдлага, инженер, хяналтын ажилтнуудыг багтаасан нийт 23 хүнийг сэжигтнээр татаж, шүүхэд шилжүүлсэн талаар мэдээлжээ.

Сэжигтнүүдийг барилгын норм, дүрэм зөрчин, хайхрамжгүй байдлаар хүний амь нас хохироосон гэх үндэслэлээр буруутгаж байгаа бөгөөд зарим этгээдүүдийг инженерийн баримт бичгийг хуурамчаар үйлдсэн хэрэгт мөн холбон шалгаж байгаа аж.

“Italian-Thai Development” компани “Reuters” агентлагийн хэргийн талаар тайлбар авах хүсэлтийг хүлээн аваагүй бөгөөд албан ёсны тайлбар гаргаагүй хэвээр байна.