Их Британийн барилгын салбар 2025 оны хоёрдугаар улиралд бетоны борлуулалтын хувьд сүүлийн 60 гаруй жилийн хамгийн доод төвшинд хүрсэн бөгөөд, Britain’s Ready-Mixed Concrete Association (RMCA)-ын мэдээлснээр, бэлэн холимог бетоны борлуулалт 2.7 сая куб метр болж, өмнөх оны мөн үеэс 11.5%-иар буурсан байна.

Үүний голлох шалтгаан нь:

Барилгын төсөл хэрэгжүүлэлтийн саатал, удаашрал

Дэд бүтцийн хөрөнгө оруулалтын дутагдал

Барилгын зардал нэмэгдүүлэх татварын шинэчлэлтүүд холбоотой аж. 

Мөн Breedon компанийн гүйцэтгэх захирал Роб Вуд "Барилгын салбарт хөрөнгө оруулалт дутагдсаны улмаас дэд бүтцийн байдал хүндэрч байна" хэмээн тэмдэглэсэн нь салбарын өнөөгийн байдалд дүгнэлт өгч байна.

Бетон нь барилгын салбарын хамгийн чухал материалын нэг бөгөөд түүний хэрэглээний бууралт нь барилгын ажил, орон сууц, дэд бүтцийн төсөл зэрэгт шууд нөлөөлдөг. Энэ уналт нь Их Британийн засгийн газар 2024-2029 онд Англид барихаар төлөвлөж буй 1.5 сая шинэ орон сууцны тоонд нөлөөлж, зорилгод хүрэхэд саад болж болзошгүй байна.

Энэ нөхцөл байдал нь барилгын үйлдвэрлэл, ажиллах хүчний хүртээмж зэрэг олон асуудлыг дагуулж, ирээдүйд орон сууцны хангалт болон төсвийн зорилтот хязгаарлалтад нөлөөлөх магадлалтай гэж мэргэжилтнүүд үзэж байна.