2025 оны эхний хагас жилд барилга угсралт, их засварын ажлын гүйцэтгэл 5.2 их наяд төгрөгт хүрсэн нь өмнөх оны мөн үеэс 1.2 их наяд төгрөгөөр өссөн үзүүлэлттэй байна. Үүнээс дотоодын барилгын байгууллагууд 5 их наяд төгрөгийн ажил гүйцэтгэсэн бол гадаадын компаниудын гүйцэтгэл 206.9 тэрбум төгрөгт хүрсэн байна.

Өсөлтөд дотоодын аж ахуйн нэгжүүд голлон нөлөөлж, тэдний гүйцэтгэл өмнөх оноос 1.5 их наяд төгрөгөөр нэмэгджээ.

Барилга угсралт, их засварын ажлын бүтцээс харвал:

• Орон сууцны барилга – 36.6%
• Орон сууцны бус барилга – 33.9%
• Инженерийн байгууламж – 25.4%
• Их засварын ажил – 4.1% тус тус эзэлж байна.

2024 онтой харьцуулахад орон сууцны барилга 0.4 нэгж хувиар, инженерийн байгууламжийн ажил 2.2 нэгж хувиар буурсан бол орон сууцны бус барилга 0.6 нэгж хувиар, их засварын ажил 1.9 нэгж хувиар өсжээ.

Орон сууцны бус барилгын ажил 1.7 их наяд төгрөгт хүрч, 445.4 тэрбум төгрөгөөр нэмэгджээ. Үүнд:

• Сургууль, соёлын барилга – 223 тэрбум төгрөгөөр өссөн
• Бусад барилга – 149.9 тэрбум
• Худалдаа, үйлчилгээний барилга – 78.8 тэрбум
• Эмнэлгийн барилга – 19.9 тэрбум
• Үйлдвэрийн барилга – 26.2 тэрбум төгрөгөөр буурсан байна.

Улаанбаатар хотод дотоодын компаниуд 2.9 их наяд төгрөгийн ажил гүйцэтгэсэн нь улсын нийт гүйцэтгэлийн 58.3%-ийг эзэлж, өнгөрсөн оноос 7.6 нэгж хувиар өсжээ.

Аймаг:

• Өмнөговь аймаг – 517.2 тэрбум төгрөг
• Дархан-Уул аймаг – 242.8 тэрбум
• Орхон аймаг – 209.2 тэрбум төгрөгийн ажил гүйцэтгэсэн нь аймгуудын нийт гүйцэтгэлийн 46.9%-ийг бүрдүүлж байна.

Томоохон бүтээн байгуулалтын төслүүд:

• Улаанбаатарт “Багахангай–Хөшигийн хөндий чиглэлийн төмөр зам”, авто замын их засвар, орон сууцны төслүүд
• Өмнөговьд Оюу толгойн далд уурхайн бүтээн байгуулалт
• Дархан-Уул, Орхон аймагт орон сууцны барилгын ажлууд идэвхтэй өрнөжээ.