Нийслэлийн удирдлагууд Хан-Уул дүүргийн 17-р хороонд байрлах түүхэн дурсгалт барилга болох Богд хааны Хүрэн ордон буюу Хайстайн Лаврины зүүн талд зөвшөөрөлгүй эхлүүлсэн амины орон сууцны барилгын ажлыг зогсоож, газрыг хуулийн дагуу буцаан авахаар боллоо.

Тус асуудлаар Нийслэлийн Засаг даргын нэгдүгээр орлогч Т.Даваадалай, Нийслэлийн Ерөнхий архитектор Ч.Төгсдэлгэр нар газар дээр нь ажиллаж, барилгын зураг, төлөвлөлт батлуулаагүй, Соёлын өвийг хамгаалах тухай хуулийн заалтыг зөрчсөн тул зохих арга хэмжээ авсан байна.

Наймдугаар сарын 15-ны дотор газрын өмчлөгчтэй уулзалт хийж, түүний байр суурийг сонсох уулзалтыг зохион байгуулан, асуудлыг хуулийн хүрээнд шийдвэрлэхээр ажиллаж байна.

Мөн нийслэлийн зүгээс Их тойруугийн орчимд байрлах 180 орчим түүхэн барилга, соёлын дурсгалт газрыг хадгалан хамгаалах чиглэлд бодлогын түвшинд ажиллаж байгаа аж.