Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал бүр шинэчлэн гаргадаг Барилга МН сэтгүүлийн 8-р сарын дугаар хэвлэгдэн гарлаа. 

Энэ сарын дугаарын нүүр хуудсанд Пирамид ИНдастри ХХК хамтран ажиллалаа. 

 183 дахь дугаарт гарсан онцлох булангуудаас танилцуулбал, 

БАРИЛГАЧНЫ АЛДАР: 

Энэ удаагийн VIP ярилцлагын зочин хоймортоо Монгол Улсын барилгын салбарын томоохон бүтээн байгуулалтуудад чин сэтгэл, уйгагүй хөдөлмөрөөр гар бие оролцож мэргэжлийнэ ур чадвар, ухаанаа харамгүй зориулж яваа нэгэн эрхэм бол Монгол Улсын гавъяат барилгачин “Структур прожект” ХХК-ийн захирал Баярын Эрдэнэболдыг урьж ярилцлаа.  

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Дэлгэрийн Чойрын хийд” VIII хэсгийг хүргэж байна. 

ТОДРУУЛГА

Шинээр байгуулагдсан Засгийн газар 14 мега төслийг ач холбогдлоор нь эрэмблээд байгаа билээ. Мега төсөл хэрэгжүүлэхэд нэн түрүүнд санхүүжилт буюу гаднын хөрөнгө оруулалт шаардлагатай. Манай улсад гаднын хөрөнгө бага байгаа шалтгаан болон цаашид анхаарах шаардлагатй зүйлсийн талаар эдийн засагчдаас тодрууллаа. 

АРХИТЕКТУР ДИЗАЙН: 

Архитектур гэдэг нь зүгээр нэг барилга барих үйл явц биш юм. Энэ бол орон зайг мэдрэх, байгальтай харилцах урлаг. Английн Лондон хотод төвтэй “Уитакер студи”- ийн хэрэгжүүлж буй АНУ- ын Калифорниа мужийн “Жошуа мод” цөлд сүндэрлэж буй бөгөөд байгалийн эрчим хүч, орчны уур амьсгалыг төгс уялдуулсан гайхамшигт бүтээлийн талаар хүргэж байна.  

 СУДАЛГАА

Хэв хашмал нь барилгын материал, технологийн дэвшилтэй уялдаатайгаар эртний энгийн гар хийцийн модон хэлбэрээс эхлээд өнөөгийн өндөр нарийвчлалтай, хөнгөн, олон дахин ашиглах боломжтой аюулгүй байдлыг хангасан системүүд хүртэл тасралтгүй хөгжсөөр байна. Хэв хашмалын талаарх судалгааг Барилга МН сэтгүүлийн 183 дахь дугаараас уншаарай.    

ЯРИЛЦЛАГА 

Барилгын салбарт тогтмол үйл ажиллагаа явуулж буй 8500 аж ахуй нэгжийг төсөл хэрэгжүүлэгч, импортлогч, гүйцэтгэгч, үйлдвэрлэгч, зураг төсөл гэсэн таван чиглэлээр ТОП 100 аж ахуй нэгж эрэмблэх ажлыг Барилга МН- ийн зүгээс эхлүүлээд буй. Энэ талаар Барилга МН- ийн судлаач Н.Халиунтай ярилцлаа. 

ШИНЭ МАТЕРИАЛ 

2060 онд дэлхий даяарх нийт барилга байгууламжийн талбай хоёр дахин нэмэгдэх төлөвтэй байна. Ийм нөхцөлд ногоон технологид суурилсан, байгальд ээлтэй түүхий эд ашигласан, өртөг багатай, тогтвортой шийдэл бүхий шинэ төрлийн барилгын материалын эрэлт огцом өсөж байна. Байгальд ээлтэй, тогтвортой барилгын материал хөгжүүлэх чиглэлд Шугаркрийт буюу чихрийн нишинг шахаж модлог хаягдалыг ашигласан уламжлалт  бетон, тоосгыг орлох, дахин ашиглах боломжтой бүтээгдэхүүн танилцуулж байна. 

МЭРГЭЖИЛТНИЙ ҮГ 

Барилга байгууламжийн тулгуур болон газраас дээш өргөгдсөн зам гүүр болон тэдгээрийн тулгуур, шон суурийн бүтээцэд салхины даралт, усны урсгалын хүч, долгионы хүч, газар хөдлөлт, дэлбэрэлтийн хүч зэрэг хэвтээ ачаалал үүсдэг. Хөндлөн хүчний үйлчлэл дэх шон суурийн хэв гажилтын тооцооны талаар хүргэж байна. 

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

ОНЛАЙНААР УНШИХ 

Утас: 9100-0233, 7711-3333