Дулааны III цахилгаан станцад наймдугаар сарын 6-наас 7-нд шилжих шөнө дахин ноцтой осол гарч, эрчим хүчний системд хүндрэл үүсгээд байна. Энэ нь сүүлийн хоёр сарын хугацаанд уг станцад гарсан хоёр дахь томоохон осол бөгөөд өмнөх  осол нь 2025 оны зургаадугаар сарын 1-нээс 2-нд шилжих шөнө тохиолдож, нэг хүн амь насаа алдаж, нэг хүн хийнд угаартсан харамсалтай хэрэг гарсан.

Сүүлийн ослын улмаас IX (есдүгээр) турбогенератор бүрэн ажиллагаагүй болж, нөхөн сэргээгдэхгүйгээр гэмтсэн байна. Үүний улмаас ирэх өвөл Улаанбаатар хотын айл өрхүүдийн дулаан хангамж тасалдах эрсдэл бодитоор үүсээд байна.

Дулааны III цахилгаан станцын үндсэн тоног төхөөрөмжүүд 50 гаруй жилийн насжилттай бөгөөд засвар, шинэчлэлийн ажил удаашралтай байгаа нь эрчим хүчний салбарын өмнө тулгамдсан чухал асуудал хэвээр байгааг мэргэжилтнүүд анхааруулж байна.