Засгийн газрын 2025 оны 8 дугаар сарын 6-ны хуралдаанаар төрийн өмчит, төрийн өмчийн оролцоотой хуулийн этгээдийн бүтцийн үр ашгийг дээшлүүлэх, засаглалыг сайжруулах зорилгоор дараах үндсэн чиглэлийг батлахыг холбогдох байгууллагад үүрэг болгов.

• Төрийн өмчит болон төрийн өмчийн оролцоотой 109 компанийг 87 болгон бууруулах, ашиггүй, давхардсан үйл ажиллагаатай байгууллагыг татан буулгах, нэгтгэх замаар бүтцийг цомхон, үр ашигтай болгох;

• Компаниудын захирлын цалин, урамшууллын тогтолцоог ашигт ажиллагаанд тулгуурлан шинэчлэх, үр ашиггүй зардлыг танах;

• 2025–2028 онд төрийн өмчит хуулийн этгээдийн хувьцааг хөрөнгийн биржээр олон нийтэд нээлттэй арилжаалах, төрийн эзэмшлийн хувьцааг хувьчлах, өөрчлөн байгуулах үндсэн чиглэлийг 2025 оны 8 дугаар сарын 15-ны дотор Засгийн газрын хуралдаанд танилцуулах;

Мөн өнгөрсөн 35 жилийн хугацаанд хэрэгжсэн өмч хувьчлалын бодлого, хэрэгжилтэд үнэлгээ өгч, эрх зүйн орчныг шинэчлэх шаардлагатай гэж үзлээ. 

Энэ хүрээнд:

• “Төрийн болон орон нутгийн өмчийн тухай” хуулийг шинэчлэн найруулах;

• “Компанийн тухай” хуульд нэмэлт, өөрчлөлт оруулах замаар төрийн өмчийн удирдлагын тогтолцоог шинэчлэх чиглэл баримтлахыг үүрэг болголоо.