Жил бүрийн наймдугаар сард хичээлийн шинэ жил эхлэхтэй холбоотойгоор орон сууцны түрээсийн үнэ нэмэгддэг хандлага ажиглагддаг. 2025 оны наймдугаар сарын байдлаар, хоёр өрөө орон сууцны дундаж түрээсийн үнэ 2 сая төгрөгт хүрсэн нь 2019 оны дундаж үнэ болох 648 мянган төгрөгтэй харьцуулахад гурав дахин нэмэгдсэн үзүүлэлт болж байна.

Тухайлбал, одоогийн байдлаар нэг өрөө байрны түрээсийн үнэ 1 сая төгрөгөөс эхэлж байгаа бол, дөрвөн өрөө байр 3.5-19.8 сая, таван өрөө байр 6-15 сая төгрөгийн хооронд хэлбэлзэж байна. 

Түрээсийн бодит үнэ, тавигдах шаардлагууд цахим зарын талбаруудад ямар нэгэн хяналт, стандартгүйгээр нийтлэгдэж буй нь иргэдийн амьжиргаанд тодорхой дарамт үүсгэж, цалингийн бололцоотой харьцуулбал амьдрах нөхцөл хязгаарлагдмал болоход хүргэж байна.