Нийслэлийн хэмжээнд 2025–2028 оны хооронд хэрэгжүүлэхээр төлөвлөсөн 24 мега төслийн нэг нь Туулын хурдны замын төсөл юм. Энэхүү төслийн гүйцэтгэгчээр Хонгконгийн “ХаоЮань групп” ХХК шалгарсан бөгөөд замыг 2028 оны наймдугаар сард ашиглалтад оруулахаар төлөвлөн, бүтээн байгуулалтын бэлтгэл ажлыг хангаж байна.

Туулын хурдны зам болон түүнийг дагасан үерийн хамгаалалтын байгууламжуудын нөлөөлөлд нийслэлийн дараах дүүргүүдийн нийт 115 нэгж талбар өртөөд байна. Үүнд:

• Баянзүрх дүүрэг – 6 нэгж талбар

• Баянгол дүүрэг – 3 нэгж талбар

• Хан-Уул дүүрэг – 15 нэгж талбар

• Сонгинохайрхан дүүрэг – 91 нэгж талбар

Өнөөдрийн байдлаар эдгээрээс 15 нэгж талбарыг газар дүйцүүлэн олгож, чөлөөлөөд байгаа бол үлдсэн 100 нэгж талбартай тохиролцох, зөвшилцөх ажил үргэлжилж байна.