Их Британийн Вустершир мужид орших нэгэн онцгой байшин дэлхийн олон хүний сонирхлыг татаж байна. Энэ байшин нь жирийн нэг үл хөдлөх хөрөнгө биш. Харин 700 жилийн настай байгалийн чулуун агуйг сэргээн засварлаж, орчин үеийн тав тухтай амьдрах орчин болгон хувиргасан, өвөрмөц сууц юм.

Америкийн автомашины үйлдвэрлэлийн домог Генри Форд 1929 онд Английн Котсуолд нутгаас 1619 онд баригдсан түүхэн байшинг бүрэн бүтнээр нь АНУ руу зөөвөрлөн авчирч, түүхэн дурсгал болгон сэргээжээ.

Форд уг байшинг 1920-иод оны аяллуудынхаа үеэр харсан бөгөөд тэрээр байшинг £5000 фунтээр (21,500,000 төгрөг) худалдан авч, Английн гар урчууд болон АНУ-ын барилгачидтай хамтран ажилласнаар уг байшинг ширхэг тоосго бүрээр задлаж, Атлантын далайг гатлуулан Мичиган мужийн Гринфилд Виллаж дахь " түүхийн музей"-д угсарч сэргээн барьсан юм. Нийт 230,000 ам.доллар (782 сая төгрөг) -ын хөрөнгө оруулалт хийж, бүх ажлыг гар аргаар гүйцэтгэжээ.

Байшингийнх нь суурь болсон агуйг цэвэрлэх, ухах, сийлэх ажлыг хийж нийтдээ 70 тонн орчим чулууг есөн сарын турш ухаж гаргасан байна.

Агуйн өнгө төрхийг хадгалсан тансаг сууц

• Орчин үеийн гал тогоо
• Зочны өрөө
• Хаан хэмжээтэй унтлагын өрөө
• Угаалгын өрөө
• Хувцасны өрөө зэрэг бүх тав тухыг цогцлоосон орчин бүрджээ.

Агуйн байгалийн чулуун хананууд, анхны хэлбэр нь хэвээр хадгалагдсан ч дотор нь цахилгаан, усны шугам, шалны халаалт, интернет зэрэг бүх дэд бүтэцтэй байна.