Америкийн автомашины үйлдвэрлэлийн домог Генри Форд 1929 онд Английн Котсуолдаас 1619 онд баригдсан түүхэн байшинг бүрэн бүтнээр нь АНУ-руу зөөвөрлөн авчирч, түүхэн дурсгал болгон сэргээж байжээ.

Нутгийн боржин чулуугаар баригдсан уг байшин нь анх Английн Глостершир мужийн Чедворт тосгонд байрлаж байсан бөгөөд Форд уг байшинг 1920-иод оны аяллуудынхаа үеэр харжээ. Тэрээр байшинг £5000 фунтээр худалдан авч, Английн гар урчууд болон АНУ-ын барилгачдын хамтран ажилласнаар уг байшинг бүрэн ширхэг тоосго бүрээр задлаж, Атлантын далайг гатлуулан Мичиган мужийн Гринфилд Виллаж дахь " түүхийн музей"-д угсарч сэргээн барьсан юм.

Нийт 500 гаруй тонн материал, 200 гаруй модон хайрцаг, 500 шуудай чулуу тээвэрлэгдэж, Англиас Америк хүртэл далайгаар болон галт тэргээр тээвэрлэгдсэн байна. Уг байшинд тухайн үеийн Котсуолд нутгийн архитектурын онцлогийг бүрэн хадгалсан бөгөөд зуух, чулуун шал, цонхны чимэглэл зэрэг олон элементүүд нь хэвээр хадгалагджээ.

Форд энэ байшинг Greenfield Village музейн бүтцэд багтаан, уламжлалт амьдралын хэв маяг, гар урлал, хөдөө аж ахуйн соёлыг ирээдүй хойч үедээ таниулах зорилготойгоор авчирсан гэж түүхчид үздэг. Өдгөө тус музейд зочлон ирэгсэд байшинг үзэхээс гадна, Котсуолд маягийн цэцэрлэг болон тухайн бүс нутгийн үүлдрийн хоньтой танилцах боломжтой.

Генри Фордын энэхүү түүхэн байшин бол зөвхөн архитектурын дурсгал бус, соёлын өвийг хадгалах анхны санаачилгын нэг хэсэг хэмээн үнэлэгддэг байна.