Барилгын салбарт хувьсгал авчрах боломжтой 7 шинэ материалуудыг танилцуулж байна. Эдгээр нь тогтвортой байдал, эрчим хүчний хэмнэлт, бүтээмж, аюулгүй байдал зэрэг олон талын давуу талтай. 

1. Тунгалаг мод (Transparent Wood)

   Тунгалаг мод нь модны бүтцийн өнгө болон химийн найрлагыг өөрчилж, шилэн адил тунгалаг болгосон материал юм. Энэхүү материал нь дулаан тусгаарлалт сайтай, бат бөх тул фасад, цонх, контейнер болон аюулгүй байдлын зориулалтаар ашиглах боломжтой.

2. Аэрогел (Aerogel)

   Аэрогел нь өвөрмөц бүтэц, дулаалгын гайхалтай боломжуудаараа "хатуу боловч хөөс" гэж тодорхойлогддог материал юм. 99%-ийг агаар агуулсан өндөр нягтаршилгүй хатуу бүтэцтэй, маш хөнгөн бөгөөд дулаан тусгаарлалтын үзүүлэлт өндөртэй материал юм.

3. Өөрөө засварлах бетон (Self-Healing Concrete)

   Өөрөө засварлах бетон нь бактер эсвэл химийн капсул ашиглан бетонд хагарал үүсэх үед автоматаар нөхөн засварлаж, наслалтыг 200 жил хүртэл уртасгах боломжтой материал юм.

4. Графен хольцтой материал (Graphene-Enhanced Composites)

   Графен хольцтой материал нь графен болон нүүрстөрөгчийн нано хоолой (carbon nanotubes, CNTs) зэрэг нано хэмжээний бүтэцтэй материалуудыг нэгтгэсэн, өндөр бат бөх, хөнгөн, цахилгаан дамжуулах чадвартай шинэ төрлийн композит материал юм.

5. Био-модон материал (Biochar Cladding)

   Био-модон материал нь ургамал, малын хаягдал зэрэг органик хог хаягдлыг хэлнэ. Эдгээрийг пиролиз буюу хүчилтөрөгчгүй орчинд өндөр температурт боловсруулснаар нүүрс бордоо буюу биочар үүсдэг. Биочар нь өндөр нүүрстөрөгчийн агууламжтай, нүхжилсэн бүтэцтэй, байгальд хурдан задардаггүй материал юм. Биочарыг барилгын фасадны бүрхүүлд ашиглах боломжтой. Мөн дулаан тусгаарлалт, чийгийн зохицуулалт, дуу тусгаарлалт, галын аюулгүй байдал, нүүрстөрөгч шингээлт зэрэг олон давуу талуудтай.

6. Наноселлюлоз & Тунгалаг мод (Nanocellulose & Transparent Wood)

   Наноселлюлоз нь модны эсийн бүтэцтэй, тунгалаг модыг үйлдвэрлэхэд ашиглагддаг материал юм. Энэ нь молекулын түвшний боловсруулалттай, цахилгаан дамжуулдаг, бат бөх, дахин боловсруулдаг шинж чанартай. Тунгалаг модыг шилний оронд ашиглаж, байгалийн гэрлийг дотоод орчинд нэвтрүүлж, дулаан тусгаарлалт сайжруулдаг тул барилгын эрчим хүчний үр ашгийг нэмэгдүүлнэ.

7. Фазын хувирдаг материал (Phase-Change Materials, PCM)

   Фазын хувирдаг материалууд нь тодорхой температурт их хэмжээний дулааны энергийг шингээх эсвэл ялгаруулах чадвартай, хатуу төлөвөөс шингэн рүү эсвэл эсрэгээр физик төлөвт өөрчлөлт орох тусгай төрлийн бодис юм. Эдгээр материалыг барилгын дотоод орчны температурыг тогтмол байлгахад чухал үүрэг гүйцэтгэдэг. Эдгээрийг хөшиг, ухаалаг ханыг боловсруулахад ашиглах нь эрчим хүчний хэмнэлттэй, тав тухтай орчныг бүрдүүлэхэд тусалдаг.

   Эдгээр материалуудыг ашигласнаар барилгын салбар шинэ түвшинд хөгжиж, тогтвортой, ухаалаг, эко шийдлүүдийг хэрэгжүүлэх боломжтой болох юм.